సింగరాయకొండ (దమ్ము) : ఎస్ఈబి స్టేషన్ లో పని చేస్తున్న కానిస్టేబుల్ రామ్మోహనరావు కరోనాతో మృతి చెందడం బాధాకరమని సింగరాయకొండ ఎక్సయిజ్ సిఐ లత తెలిపారు. కోవిడ్ పాజిటివ్ చికిత్స కోసం ఒంగోలు రిమ్స్ లో 12రోజుల క్రితం చేరి కోలుకుంటున్న సమయంలో శుక్రవారం ఉదయం హఠాత్తుగా గుండె నొప్పితో మరణించారన్నారు. రామ్మోహనరావు వృత్తి పట్ల ఎంతో నిబద్ధతతో పనిచేసేవాడని ఆమె అన్నారు.
గిద్దలూరు మండలం జయరామపురంకు అంతిమ సంస్కారాల కోసం మృతదేహాన్ని తరలించారన్నారు. విధి నిర్వహణలో మరణం పొందిన కానిస్టేబుల్ రామ్మోహనరావుకు అశ్రు నయనాలతో సిబ్బందితో కలిసి నివాళి అర్పించారు. ఆయన ఆత్మకు శాంతి కలగాలని ప్రార్ధిస్తూ కుటుంబానికి తమ ప్రగాఢ సానుభూతిని తెలియజేశారు.
