యోగా రాష్ట్రస్థాయి విజేతగా ప్రకాశం జిల్లా విద్యార్ధిని

అద్దంకి (Panguluru) : రాష్ట్ర స్థాయి యోగ పోటీల్లో అండర్ 14 బాలికల విభాగంలో రాష్ట్రస్థాయి విజేతగా ప్రకాశం జిల్లా నిలిచింది. జిల్లాకు చెందిన నాయపాము శృతి ప్రథమ స్థానాన్ని సాధించి జాతీయ స్థాయి పోటీలకు ఎంపికైంది. మండలంలోని చందలూరు జెడ్‌పి ఉన్నత పాఠశాల్లో రాష్ట్రస్థాయి యోగా పోటీలు నిర్వహించారు. సోమవారం సాయంత్రం అండర్ 14, అండర్ 17 పోటీల్లో బాలికల విభాగంలో విజేతలను ప్రకటించారు. మరో రెండు రోజులు పాటు అండర్ 19 విభాగంలో యోగ పోటీలు జరుగునున్నట్లు తెలిపారు. చందలూరు (Chandaluru) జెడ్‌పి ఉన్నత పాఠశాల హెచ్‌ఎం చందలూరు గిరిజ ఆధ్వర్యంలో విజేతలకు బహుమతులు అందజేశారు.

కృష్ణా జిల్లాకు చెందిన జి శ్రావణి 2వ స్థానం, చిత్తూరు జిల్లాకు చెందిన కె తేజశ్రీ 3వ స్థానం సాధించారు. అండర్ 14 సాంప్రదాయ యోగ (Yogaasana) బాలుల విభాగంలో కృష్ణా జిల్లాకు చెందిన సురేంద్ర మొదటి స్థానం సాధించి జాతీయ స్థాయి పోటీలకు అర్హత సాధించాడు. గుంటూరు జిల్లాకు చెందిన కౌశిక్ 2వ స్థానం, వెస్ట్ గోదావరి జిల్లాకు చెందిన ఆర్ విక్రమాదిత్య 3వ స్థానం సాధించారు. అండర్ 17 ట్రెడిషనల్ బాలుర విభాగంలో ఈస్ట్ గోదావరి జిల్లాకు చెందిన క్రాతిక్ రామ్ మొదటి స్థానం, గుంటూరు జిల్లాకు చెందిన కె సంపత్ 2వ స్థానం, విశాఖపట్నంకు చెందిన కె దేవాష్ 3వ స్థానం సాధించారు.

అండర్ 14 ఆర్టిస్టిక్ యోగ ఫైర్ బాలికల విభాగంలో ప్రకాశం జిల్లాకు చెందిన కుంచాల హెప్సిబా, నాయపాము శృతి మొదటి స్థానం సాధించారు. ఈస్ట్ గోదావరి జిల్లాకు చెందిన పి హాసిని, ఎం శ్రీవల్లి 2వ స్థానం, అనంతపురం జిల్లాకు చెందిన కె మోక్షిత, కె మోహిత 3వ స్థానం సాధించారు. అండర్ 17 రిథమికు యోగ ఫైర్ బాలికల విభాగంలో విశాఖపట్నంకు చెందిన వాసవి, కౌసల్య మొదటి స్థానం, ప్రకాశం జిల్లా భవ్య శ్రీ, లిఖిత 2వ స్థానం, ఈస్ట్ గోదావరి జిల్లాకు చెందిన జంగిలాబి, పావని 3వ స్థానం సాధించారు.

అండర్ 17 రిథమికు యోగా ఫైర్ బాలుర విభాగంలో కర్నూలు జిల్లాకు చెందిన తులసి సాయి, షాహిద్ ఆఫ్రిద్ మొదటి స్థానం, కడప జిల్లాకు చెందిన ప్రశాంత్, లక్ష్మిత్ 2వ స్థానం, ప్రకాశం జిల్లాకు చెందిన మహేష్, మిల్టన్ 3వ స్థానం సాధించారు. అండర్ 17 ట్రెడిషనల్ యోగ బాలికల విభాగంలో వెస్ట్ గోదావరి కి చెందిన భవాని చౌదరి మొదటి స్థానం, ఈస్ట్ గోదావరి జిల్లాకు చెందిన చైత్ర శివ వాసుకి 2వ స్థానం, అనంతపురం జిల్లాకు చెందిన భరణి 3వ స్తానం సాధించారు.

విజేతలకు అధికారులు, ప్రజాప్రతినిధులు బహుమతుల అందజేశారు. కార్యక్రమంలో తహశీల్దారు పి సింగారావు, ఎంపిడిఒ కె స్వరూపరాణి, ఎస్‌ఐ వినోద్ బాబు, ఎంఇఒ వీరాంజనేయులు, అజిత్ కుమార్ చారిటబుల్ ట్రస్ట్ చైర్మన్ వడ్డవల్లి వీరనారాయణ, పెంట్యాల రామలింగస్వామి, మాజీ జెడ్పిటిసి కరి సుబ్బారావు, పాఠశాల రిటైర్డ్ హెచ్‌ఎం తాతయ్య, మురకొండ సుబ్బారావు, హనుమంతరావు, పూర్ణచంద్రరావు, ఊర్మిళాదేవి, రిటైర్డ్ హెచ్‌శ్రీం ఝాన్సీలక్ష్మి, రాజ్ కుమార్, సుబ్బయ్య పాల్గొన్నారు.