బాపట్ల (Bapatla) : పట్టణంలోని 3వ వార్డు రెల్లికాలనీలో (RelliColony)నివాసం ఉంటున్న మునిసిపల్ పారిశుధ్య కార్మికులు తమ సమస్యలు పరిష్కరించాలని కోరుతూ కలెక్టర్ కలెక్టర్ వినోద్ కుమార్‌కు (Dr.V.VinodKumar IAS)వినతి పత్రం అందించారు. 65ఏళ్ల నుండి రెల్లికాలనీలో తాము నివాసం ఉంటున్నామని, ఇప్పటి వరకు మంచినీళ్లు కూడా లేక అల్లాడి పోతున్నామని తెలిపారు. తమ పిల్లలకు సరైన చదువులు లేవని తెలిపారు. తమకెవ్వరికి సొంత ఇళ్ళు కూడా లేవని పేర్కొన్నారు. స్వచ్ఛ భారత్‌కు ముందు ఉంటూ కరోనా వంటి విపత్కర పరిస్థితుల్లో సైతం ఆరోగ్యాన్ని లెక్క చేయకుండా పారిశుధ్య పనులు చేశామని తెలిపారు. ఇప్పుడు అనేక రకాల వ్యాధులతో బాధపడుతున్నామని వాపోయారు. అనేక సార్లు అధికారులకు తమ గోడు చెప్పు కుంటూ ఎన్నో వినతి పత్రాలు ఇచ్చామని తెలిపారు. ఇప్పటి వరకు ఒక్క సమస్య పరిష్కారం కాలేదని ఆవేదన వ్యక్తం చేశారు. ఈసారైనా తమకు నీడ, గూడు ఇచ్చే విధంగా ఇళ్ల పట్టాలు ఇప్పించాలని కోరారు. తమ సమస్యలు పరిష్కారం కాకపోతే తమకు చావే శరణ్యమని వేడుకొన్నారు. కార్యక్రమంలో పొట్నూరి బాలకృష్ణ, యర్రంశెట్టి అప్పలరాజు, దలై సుబ్బారావు, పొట్నూరి పోలరాజు, నిమ్మకాయల నాగరాజు, దలై విజయ, ఎర్రంశెట్టి లక్ష్మి, సోమి దుర్గాదేవి పాల్గొన్నారు.
