హైద‌రాబాద్ : జ‌న‌సేన అధినేత, పవర్ స్టార్ పవన్ కల్యాణ్, మెగాస్టార్ చిరంజీవి భేటీ అయ్యారు. వీరిద్దరూ కలిసి దిగిన ఫొటో ఇప్పుడు సామాజిక మాధ్యమాల్లో హల్చల్ చేస్తోంది. చాలా రోజుల తర్వాత ఇద్ద‌రూ కలిశారు. వీరిద్దరూ కలిస్తే ఎప్పుడూ చాలా ఆసక్తికరంగానే ఉంటుంది. అభిమానులకు కనుల పండగే. చిరంజీవి – పవన్ కల్యాణ్ కలిసి దిగిన ఫొటో ప్రస్తుతం ఇప్పుడు సామాజిక మాధ్యమాల్లో సందడి చేస్తోంది. వీరితోపాటు పార్టీ నేత నాదెండ్ల మనోహర్ ఉన్నారు. వీరి భేటీకి కారణం తెలియకపోయినప్ప‌టికీ అభిమానులు మాత్రం ఆనందిస్తున్నారు. మెగాస్టార్ చిరంజీవి నటించిన ‘సైరా` చిత్రం ఇటీవలే షూటింగ్ పూర్తి చేసుకుంది. స్వాతంత్ర్య సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా ఈ చిత్రాన్ని తెరకెక్కిస్తున్నారు. అక్టోబర్‌ 2న ప్రేక్షకుల ముందుకు రానుంది.
