మూవీ డెస్క్‌ : ఓటీటీలోకి నిత్యం డిఫరెంట్ కంటెంట్ చిత్రాలు వస్తుంటాయి. హారర్, థ్రిల్లర్ సినిమాలు కాకుండా ఇప్పుడు రొమాంటిక్ జానర్ చిత్రాలు సైతం రిలీజ్ చేస్తున్నారు. తెలుగు ఓటీటీ మూవీ లవర్స్ ముందుకు ఇప్పుడు ఓ బోల్డ్ మూవీ రాబోతుంది. ఇన్నాళ్లు తమిళంలో సత్తా చాటిన ఈ చిత్రం ఇప్పుడు తెలుగు ఓటీటీలో రిలీజ్ అయ్యేందుకు రెడీ అయ్యింది.
ఇటీవల ఓటీటీలో కొత్త కొత్త జానర్ చిత్రాలు వస్తున్నాయి. హారర్, మిస్టరీస్, థ్రిల్లర్ సినిమాలు ఎక్కువగా ప్రేక్షకులను ఆకట్టుకుంటున్నాయి. కానీ ఇప్పుడు రొమాంటిక్, లవ్ స్టోరీస్ సైతం ఓటీటీలో దూసుకుపోతున్నాయి. తమిళం, మలయాళం, కన్నడ వంటి భాషల్లో ఈ చిత్రాలకు మంచి రెస్పాన్స్ వస్తుంది. ఇప్పుడు ఇతర భాషల్లో హిట్ అయిన సినిమాలు సైతం తెలుగులోకి డబ్ చేస్తున్నారు. తాజాగా మరో తమిళ్ హిట్ చిత్రాన్ని సైతం తెలుగులో రిలీజ్ చేయనున్నారు అదే ‘ష్’. 2024లో నేరుగా ఓటీటీలో విడుదలై మంచి విజయాన్ని అందుకున్న ఈ సినిమా ఇప్పుడు తెలుగులోనూ అందుబాటులోకి తీసుకువస్తున్నారు. ప్రస్తుతం ఈ సినిమా ఆహా తమిళం, అమెజాన్ ప్రైమ్ వీడియోల్లో అందుబాటులో ఉంది.
‘ష్’ సినిమాను తెలుగు వెర్షన్ ఏప్రిల్ 30 నుంచి ప్రముఖ ఓటీటీ ప్లాట్ ఫామ్ ఆహాలో స్ట్రీమింగ్ కానుంది. ఈ విషయాన్ని మేకర్స్ అధికారికంగా ప్రకటించారు. హిందీలో వచ్చిన లస్ట్ స్టోరీస్ స్పూర్తితోఈ సినిమా తెరకెక్కించారు. నలుగురు అమ్మాయిల జీవితాలను ఆధారంగా చేసుకుని నాలుగు కథలతో నిర్మించిన సినిమా ఇది. ప్రేమ, రొమాన్స్ వంటి అంశాలతో ఈ చిత్రాన్ని రూపొందించారు.
ఈ చిత్రంలో క్లాప్ ఫేమ్ పృథ్వీ ఆదిత్య, వాలి మోహన్ దాస్, హరీష్ ప్రధాన పాత్రలు పోషించగా.. ఐబి కార్తికేయన్ దర్శకత్వం వహించారు. 7/జి బృందావన్ కాలనీ సినిమాతో తెలుగు ప్రేక్షకులకు దగ్గరైన సోనియా ఈ చిత్రంలో ప్రొఫెసర్ పాత్రలో నటించింది. ఇన్నాళ్లు తమిళ సినీప్రియులను ఆకట్టుకున్న ఈ చిత్రానికి తెలుగు అడియన్స్ నుంచి ఎలాంటి రెస్పాన్స్ వస్తుందో చూడాలి.
