చెరుకుపల్లి (Cherukupalli) : ఎపి ఎన్జీజీఒ అసోసియేషన్ చెరుకుపల్లి తాలూకా యూనిట్ కార్యవర్గ ఎన్నికల నోటిఫికేషన్ విడుదల చేశారు. అధ్యక్షలు, సహాధ్యక్షులు, నలుగురు ఉపాధ్యక్షులు, ఒక ఉపాధ్యక్షులు (మహిళ), కార్యదర్శి, ఆర్గనైజింగ్ సెక్రటరీ,
నలుగురు సంయుక్త కార్యదర్శులు, ఒక మహిళా సంయుక్త కార్యదర్శి, కోశాధికారి, డిస్టిక్ ఎగ్జిక్యూటివ్ కమిటీ మెంబర్ కలిపి మొత్తం 16 పదవులకు నోటిఫికేషన్ 23న విడుదల చేశారు.
నగరం (Nagaram) కమ్యూనిటీ హెల్త్ సెంటర్ నందు ఓటర్ల జాబితా ప్రదర్శించనున్నారు. ఈలోపు ఎవరైనా మిగిలిపోయిన ఓటర్స్ ఉంటే ఎలక్షన్ ఆఫీసర్‌కు రూ.300 సబ్క్క్రిప్షన్ చెల్లించి సభ్యత్వం పొందవచ్చని ఎన్‌జిఒ నాయకులు తెలిపారు. సబ్క్క్రిప్షన్ రూ.300 98667 93624కు ఫోన్ పే ద్వారా చెల్లిస్తూ ఉద్యోగి పేరు, హోదా, శాఖ, ఎంప్లాయి ఐడి లేక సిఎఫ్ఎంఎస్ ఐడి, మొబైల్ నెంబర్ తెలపాలని కోరారు. డిసెంబర్ 3న రసీదు ఇవ్వనున్నట్లు తెలిపారు.
అభ్యంతరాలు, చేర్పులు, మార్పులు పరిశీలించి ఫైనల్ ఓటర్స్ జాబితా డిసెంబర్ 3న ప్రదర్శించ నున్నారు. నామినేషన్స్ డిసెంబర్ 6న స్వీకరిస్తారు. ఎన్నికల్లో ఏ పదవికైన నామినేషన్ వేయుటకు రూ.300 ఫీజు చెల్లించి నామినేషన్ ఫారం తీసుకోవచ్చు. అదే రోజు నామినేషన్స్ పరిశీలించి వ్యాలిడ్ నామినేషన్స్ 3.30 గంటల్లోపు ప్రదర్శిస్తారు. డిసెంబర్ 7న మద్యాహ్నం 2నుండి 4 గంటల్లోపు ఉపసంహరణల అనంతరం పోటీలో ఉన్న అభ్యర్థుల జాబితా ప్రకటిస్తారని ఎన్నికల అధికారి యు నాగేశ్వరరావు తెలిపారు. డిసెంబర్ 13న నగరం సిహెచ్‌సి నందు ఎన్నికలు నిర్వహిస్తారని తెలిపారు.
ఎన్నికల ప్రక్రియకు రేపల్లె తాలూకా యూనిట్ అధ్యక్షులు కె అంకమ్మరావు సహా ఎన్నికల అధికారిగా, బాపట్ల జిల్లా అడ్డ హాక్ కమిటీ మెంబర్ బి రాజేష్ ఎన్నికల పరిశీలకులుగా వ్యవహరిస్తారని తెలిపారు. ఎన్నికల షెడ్యూల్‌ను ప్రస్తుత అధ్యక్షులు కె సాంబశివరావు, కార్యవర్గానికి సోమవారం అందజేశారు. కార్యక్రమంలో ఎన్‌జిఒ జిల్లా చైర్మన్ పి నాగేశ్వరరావు, కన్వీనర్ బి ప్రసాదరావు, బాపట్ల యూనియన్ అధ్యక్షులు జి ఇస్సాకు, ఆర్గనైజింగ్ సెక్రటరీ పి శేషగిరిరావు పాల్గొన్నారు.
