చీరాల, బాపట్ల : కోర్టు పరిధిలో శనివారం జాతీయ లోక్ అదాలత్ జరగునున్నట్లు చీరాల, బాపట్ల ప్రిన్సిపల్ సీనియర్ సివిల్ జడ్జి ఎస్ కృష్ణన్ కుట్టి, పి.రాజారాం వేరు, వేరు ప్రకటనలో తెలియచేసారు. సివిల్ కేసులు, రాజీ పడదగిన క్రిమినల్ కేసులు, మనోవర్తి, ప్రిలిటేషన్ కేసులు వంటి వాటిని లోక్ ఆదాలత్ లో పరిష్కరించడం జరుగుతుందని వారు పేర్కొన్నారు.
ఇరువర్గాలకు ఆమోదయోగ్యమైన కేసులను ఎలాంటి ఖర్చులు, కాలయాపన, అప్పీలు లేకుండా తీర్పు ఇవ్వటం జరుగుతుందని తెలిపారు. ఎటువంటి ఫీజు వసూలు చేయకుండా నిర్వహిస్తున్న జాతీయ లోక్ అదాలత్ ను ప్రజలు, కక్షిదారులు వినియోగించుకోవాలని వారు కోరారు. ఈ కార్యక్రమంలో ప్రిన్సిపల్ జూనియర్ సివిల్ జడ్జి షైక్ ఆరీఫా, అడిషనల్ జూనియర్ సివిల్ జడ్జి కె.రవి, బార్ అసోసియేషన్ ప్రెసిడెంట్ కె.అవినాష్, చీరాల న్యాయవాదులు శ్రీనివాసరావు, ఎస్ శ్రీనివాస్ పాల్గొన్నారు.
