బాపట్ల : పిట్టలవనిపాలెంలో టిడిపి నాయకులు, కార్యకర్తలతో నియోజకవర్గ స్థాయి సమావేశాన్ని శాసన మండలి సభ్యులు అన్నం సతీష్ ప్రభాకర్ ఆదివారం నిర్వహించారు. ఈ సందర్భంగా ఆయన మాట్లాడుతూ సభ్యత్వ నమోదు విషయంలో బాపట్ల నియోజకవర్గం రాష్ట్రంలో మొదటి స్థానంలో నిలపాలని సూచించారు. ఇటీవల జరిగిన మంత్రివర్గ విస్తరణలో మైనార్టీలకు, గిరిజనులకు మంత్రి పదవి కేటాయించడం అభినందనీయమన్నారు.
విజయవాడలో ప్రత్యేకంగా ముఖ్యమంత్రి చంద్రబాబు నాయుడు బోట్ రేసింగ్ కార్యక్రమం నిర్వహించడం సంతోషంగా ఉందన్నారు. ఈనెల 30న రాజమహేంద్రవరంలో జరిగే బిసి గర్జనకు కార్యకర్తలు అధిక సంఖ్యలో తరలి వెళ్లాలని కోరారు. ఈ కార్యక్రమంలో రైతు సంఘం జిల్లా అధ్యక్షులు రావిపూడి నాగమల్లేశ్వరరావు, బాపట్ల, కర్లపాలెం, పిట్టలవానిపాలెం మండలాల అధ్యక్షులు కావూరు శ్రీనివాసరెడ్డి, నక్కలా వెంకటస్వామి, గోకరాజు శ్రీధర్ వర్మ పాల్గొన్నారు.
