బాపట్ల (Bapatla) : శిశు మరణాలు తగ్గించేందుకు వైద్య ఆరోగ్య సిబ్బంది ప్రత్యేక చర్యలు చేపట్టాలని వైద్య ఆరోగ్య శాఖ జిల్లా అధికారి డాక్టర్‌ ఎస్ విజయమ్మ అన్నారు. వైద్య ఆరోగ్య శాఖ జిల్లా కార్యాలయంలో శిశు మరణాలపై సమీక్ష సోమవారం జరిగిన సమావేశంలో ఆమె మాట్లాడారు. గర్భవతి పేరు నమోదైనప్పటి నుండి వారికి అవసరమైన వైద్య పరీక్షలు చేయాలని సూచించారు. గర్భవతులు తీసుకోవాల్సిన అదనపు ఆహారం, పాటించాల్సిన నియమాలపై అవగాహన కల్పించాలని అన్నారు.
మొదటి నుండే ప్రభుత్వ ఆసుపత్రుల్లోనే సహజ కాన్పు చేయించుకునే విధంగా ప్రోత్సహించాలని అన్నారు. కాన్పు తర్వాత నవజాత శిశువు పట్ల తీసుకోవలసిన జాగ్రత్తలు చెప్పాలని అన్నారు. పుట్టిన బిడ్డకు వ్యాధి నిరోధక టీకాల చేయించే అంశాలు ముందు నుంచే అవగాహన కల్పించాలని అన్నారు. కార్యక్రమంలో ఇమినైజేషన్ జిల్లా అధికారి రత్న మన్మోహన్, సౌజన్య, లలితా రాజేశ్వరి, మౌనిక, సుగుణమ్మ, పరమేశ్వరి, పిహెచ్‌సి వైద్యాధికారులు పాల్గొన్నారు.
