ప్రకాశం (దమ్ము) : మార్టూరు ఎస్ఐ యంవి శివకుమార్ కు కడప జిల్లా పొద్దుటూర్ కు చెందిన మనం ఫౌండేషన్ ఈ నెల 26న ప్రముఖ సంఘ సేవకురాలు మదర్ థెరిస్సా జయంతి సందర్భముగా “మదర్ థెరిస్సా సేవా పురస్కారం” అందజేశారు. గత 6నెలలుగా కోవిడ్19 సందర్భముగా చేస్తున్న సేవలకు గుర్తింపుగా అవార్డు ఇచ్చారు. తన సొంత ఖర్చులతో షుమారు 10వేలకుపైగా ప్రజలకు మాన్క్ లు పంపిణీ చేశారు. కరోనా మహమ్మారి గురించి పెద్దలను, పిల్లలను, వ్యాపారస్తులను చైతన్య పరచి కరోనా బారినుండి కాపాడారు. ఉపాధి లేక, రవాణా సౌకర్యం లేక కాలినడకనే వందల కిలోమీటర్లు నడిచివెళ్లే వలస కార్మికులకు నేనున్నానంటూ ఆహారం అందించి ఆయన ఆడుకున్నారు.
ఈ సందర్భంగా పురష్కార గ్రహీత ఎస్సై శివకుమార్ మాట్లాడుతూ మదర్ థెరిస్సా పురష్కారం రావడం తన బాధ్యతను మరింత పెంచిందన్నారు. తాను వృత్తిలో నిబద్ధతతో పనిచేసేలా సహకారం అందించిన మార్టూరు మండల ప్రజలకు, తన తోటి సిబ్బందికి కృతజ్ఞతలు తెలిపారు. మార్టూరు మండల ప్రజలు, పోలీస్ సిబ్బందిని అభినందించారు. ఈ అవార్డును చిలకలూరిపేటకు చెందిన జయ జయ సాయి ట్రస్ట్ చైర్మన్ పూసపాటి బాలాజి, మనం ఫౌండేషన్ వారు యస్ఐ శివకుమార్ కు అందజేశారు.
