చీరాల (Chirala): మండలంలోని కొత్తపాలెం పంచాయతీలోని దండుబాట స్వర్ణ రోడ్డులో పంట కాలువలో పడి గ్రామానికి చెందిన మీసాల ఉమా (32) మృతి చెందాడు. జీవనోపాధి కోసం కాలువల్లో కలువ పూలు కోసి మార్కెట్లో అమ్ముతూ జీవనం సాగిస్తుడేవాడు. ఆదివారం ఉదయం పూల కోసం వెళ్లి రాత్రి వరకు ఇంటికి తిరిగిరాకపోవడంతో కుటుంబ సభ్యులు పలు చోట్ల వెతికారు. సోమవారం ఉదయం కాలువ వద్ద అతని మృత దేహం కనిపించడంతో ప్రమాద వశాత్తు కాలుజారి కాలువలో పడి మృతి చెందినట్లు కుటుంబ సభ్యులు పోలీసులకు తెలిపారు. సంఘటనా స్థలంలో పూలు కోసేందుకు ఉపయోగించే సామాగ్రిని కూడా పోలీసులు స్వాధీనం చేసుకున్నారు. ఒకటో పట్టణ పోలీసులు (Police) సంఘటన స్థలానికి చేరుకొని మృతదేహాన్ని పరిశీలించారు. మృతదేహాన్ని పోస్టుమార్టం నిమిత్తం ఏరియా ఆసుపత్రికి తరలించారు. కేసు నమోదు చేసి దర్యాప్తు చేస్తున్నారు.






