– లోకేష్‌ను అరెస్ట్ చేయనున్నారని విస్తృత ప్రచారం
– ప్రస్తుతం ఢిల్లీలో ఉన్న లోకేష్‌
అమరావతి : టిడిపి జాతీయ ప్రధాన కార్యదర్శి నారా లోకేష్‌ రాజమండ్రి చేరుకోగానే అరెస్టు చేసేందుకు రంగం సిద్ధం చేశారని విస్తృత ప్రచారం జరుగుతుంది. లోకేష్‌ అరెస్ట్ కోసం ప్రత్యేక బృందాలను సిద్ధం చేశారని, మరోవైపు ఇప్పుడే తొందరపడి లోకేష్‌ను అరెస్ట్ చేయరంటూ మరో ప్రచారం జరుగుతుంది. చంద్రబాబు అరెస్టుతో ప్రభుత్వంపై పెద్ద ఎత్తున వెల్లువెత్తిన ప్రజా వ్యతిరేకత, అరెస్టు చేస్తే పరిణామాలు ఏ విధంగా ఉంటాయని మదింపు చేపట్టినట్లు విశ్వసనీయ వర్గాల సమాచారం. ప్రభుత్వం నుంచి వచ్చే ఆదేశాలకు అనుగుణంగా సీఐడీ వర్గాలు సమాయత్తమయ్యే అవకాశం ఉంది. ఫైబర్ గ్రిడ్ కేసులో లోకేష్‌ను అరెస్టు చేసేందుకు కుట్ర? ఫైబర్ గ్రిడ్ కేసులో ఇప్పటికే కొందరు అరెస్టయిన వారికి న్యాయస్థానాల్లో బెయిల్ మంజూరైంది. రెండేళ్ల నుంచి ఫైబర్ గ్రిడ్ కేసు పెండింగ్ ఉంది. ఈ రోజు రాత్రి లోకేష్‌ రాజమండ్రి చేరుకునే అవకాశం ఉంది.
