కందుకూరు (దమ్ము) : డిసెంబర్ 28వ తేదీ ఇదేం ఖర్మ- మన రాష్ట్రానికి అనే కార్యక్రమంలో భాగంగా నెల్లూరు జిల్లా కందుకూరుకి మాజీ ముఖ్యమంత్రి తెలుగుదేశం పార్టీ జాతీయ అధ్యక్షుడు నారా చంద్రబాబునాయుడు సభా కార్యక్రమం వద్ద జరిగిన తొక్కిసలాట సంఘటనలో 8మంది తెలుగుదేశం సభ్యులు మరణించిన ఘటన తెలిసినదే. ఘటనలో చనిపోయిన కుటుంబాలకి అండగా నిలబడాలని ఉద్దేశంతో ప్రతి కుటుంబానికి కందుకూరు మాజీ శాసనసభ్యులు పోతుల రామారావు 50,000-/- రూపాయలు ఇవ్వటానికి నిర్ణయించుకున్నారు. అందులో భాగంగా పోతుల రామారావు కందుకూరు గుర్రంవారిపాలెంలోని కాకుమని రాజా దశదినకర్మకి హాజరై వాళ్ల కుటుంబ సభ్యులకు 50వేల రూపాయల చెక్కును అందజేయడం జరిగింది. కార్యక్రమంలో పోతుల ప్రసాద్, ఉన్నం వీరాస్వామి, ఉప్పుటూరి శ్రీనివాసరావు, అల్లం వెంకటేశ్వర్లు తదితరులు పాల్గొన్నారు.
