చీరాల : మహాత్మా జ్యోతిరావు పూలే 128వ వర్ధంతి సందర్భంగా గడియారస్తంభం సెంటర్లోని పూలే విగ్రహానికి పూలమాలలు వేసి నివాళులర్పించారు. ఈ సందర్భంగా మాజీమంత్రి డాక్టర్ పాలేటి రామారావు మాట్లాడారు. దళితులు, వెనుకబడిన వర్గాల ప్రజల్లో చైతన్యం తెచ్చేందుకు ఉద్యమం చేసిన మొదటి వ్యక్తి పూలే అని చెప్పారు.
పూలే స్పూర్తితో వెనుకబడిన వర్గాల ప్రజలు ఐక్యం కావాలని చెప్పారు. చదువు, రాజ్యాధికారంతోనే వెనుకబడిన వర్గాలకు చెందిన ప్రజలు అభివృద్ధి చెందుతారని అన్నారు. కార్యక్రమంలో టిడిపి నాయకులు సజ్జా వెంకటేశ్వరరావు, సాల్మన్సెంటర్ మాజీ సర్పంచ్ అడపా వెంకటేశ్వర్లు, మాజీ ఎంపిటిసి పృద్వి వెంకటేశ్వర్లు, టిడిపి జిల్లా కార్యదర్శి బట్ట లీలానందప్రసాద్, పిక్కి నారాయణ, షేక్ మస్తాన్, గంజి పురుషోత్తం, పామంజి రాంబాబు, ఆసాది అంకాలరెడ్డి పాల్గొన్నారు.
బిసి సంఘం ఆధ్వర్యంలో…
బిసి సంక్షేమ సంఘం ఆధ్వర్యంలో జ్యోతిరావు పూలే విగ్రహానికి పూలమాలలు వేసి నివాళులర్పించారు. ఈ సందర్భంగా బిసి మహిళ రాష్ట్ర ఉపాధ్యక్షురాలు సూరగాని లక్ష్మీ మాట్లాడారు. మహిళల్ని విద్యావంతులుగా చేసిన ఘనత పులేకే దక్కుతుందన్నారు. కార్యక్రమంలో బిసి నాయకులు మోహన్ గౌడ్, సూరగాని నరసింహారావు పాల్గొన్నారు.
