చీరాల : ఈపూరుపాలెం ఎస్‌కెబిఎన్‌ఎం ఐటిఐ కాలేజీలో చదువుతున్న విద్యార్థులకు శ్రీకామాక్షి కేర్ హాస్పిటల్ మేనేజింగ్‌ డైరెక్టర్‌ తాడివలస దేవరాజు ఐరన్‌ కట్టర్ మిషన్‌ను కాలేజి ప్రిన్సిపాల్ & ప్రెసిడెంట్ ఎస్ఏ సత్తార్‌కు అందజేశారు. ఈసందర్భంగా విద్యార్థులతో దేవరాజు మాట్లాడుతూ రానున్న కాలంలో టెక్నికల్ కోర్సులకు మంచి భవిష్యత్ ఉందని చెప్పారు. ఐటిఐ పూర్తి చేసిన విద్యార్థులకు వెంటనే ఉపాధి అవకాశాలు ఉన్నాయన్నారు. కేంద్ర ప్రభుత్వం ఐటిఐ విద్యార్థుల ద్వారా యువతను మరింత ప్రోత్సహించడం కోసం ప్రయత్నాలు చేస్తున్నట్లు తెలుపారు. కాలేజి ప్రిన్సిపాల్ ఎస్ఏ సత్తార్ మాట్లాడుతూ దాతల సహాయాన్ని విద్యార్థులు సద్వినియోగం చేసుకోవాలన్నారు. దేవరాజు చేస్తున్న వివిధరకాల సేవా కార్యక్రమాలు తమ విద్యార్థులకు స్ఫూర్తిని నింపాయన్నారు. కార్యక్రమంలో ఎలక్రీకల్ టిఓ కాలిషా వలి, రఫీ, రవితేజ, కళ్యాణ్, ప్లేస్మెంట్ ఆఫీసర్ కృష్ణారెడ్డి, ఆఫీస్ ఇంచార్జి జ్యోతి, శ్రీ కామాక్షి కేర్ హాస్పిటల్ సిబంది పాల్గొన్నారు.
