విజయవాడ : తుమ్మలపల్లి కళాక్షేత్రం నందు సాహిత్య సాంస్కృతిక సేవా సంస్థ ఆధ్వర్యంలో భారత స్వతంత్ర వజ్రోత్సవ వేడుకలు నిర్వహించారు. ఆంధ్రప్రదేశ్ లో వివిధ రంగాలలో విశిష్ట సేవలు అందించిన వారికి భారత స్వతంత్ర వజ్రోత్సవ పురస్కారాలు అందజేశారు. చీరాల, పరిసర ప్రాంతాలలో విద్య, వైద్య రంగాలతోపాటు అనేక సామాజిక సేవా కార్యక్రమాలు నిర్వహిస్తున్నటువంటి శ్రీ కామాక్షి కేర్ హాస్పిటల్ మేనేజింగ్ డైరెక్టర్ డాక్టర్ తాడివలస దేవరాజుకు ఇండియా ఇండిపెండెన్స్ డైమండ్ జూబ్లీ అవార్డును మాజీ మంత్రి వెళ్ళంపల్లి శ్రీనివాస్, విజయవాడ సెంట్రల్ ఎంల్ఏ మల్లాది విష్ణు, సినీ నటి కవిత, మేయర్ భాగ్యలక్ష్మి చేతుల మీదగా అందజేశారు. ఈ సందర్భంగా డాక్టర్ దేవరాజు మాట్లాడుతూ ఇండియన్ ఇండిపెండెన్స్ డైమండ్ జూబ్లీ అవార్డ్ తీసుకోవడం ఎంతో ఆనందంగా ఉందని అన్నారు. ఈ అవార్డు తనపై మరింత సామాజిక బాధ్యతను పెంపొందిస్తుందని అన్నారు. తన సేవలను గుర్తించి తనకు ఈ అవార్డు నామినేట్ చేసినటువంటి ఎక్స్ రే సాహిత్య సంస్కృతి సేవ సంస్థకు ప్రత్యేక కృతజ్ఞతలు తెలియజేశారు. చీరాల, పరిసర ప్రాంతాలలో మరిన్ని సేవా కార్యక్రమాలు చేస్తానని తెలిపారు.
