కంకిపాడు (Kankipadu) : రూరల్ సిఐ జీప్ డ్రైవర్ అజయ్కుమార్ చిన్నారుల ఎదుట అశ్లీల నృత్యాలు చేయడంపై ఎస్పి విద్యాసాగర్ నాయుడు ఆగ్రహం వ్యక్తం చేశారు. హోంగార్డు అజయ్కుమార్ అసభ్య నృత్యాలు సోషల్ మీడియాలో వైరల్ కావడంతో అతన్ని విధుల నుండి తప్పించారు. పోలీసు ప్రతిష్ట దెబ్బతీసేలా వ్యవహరించడంపై ఎస్పి మండిపడ్డారు. హోంగార్డు నృత్యాలపై సమగ్ర విచారణ జరిపి నివేదిక ఇవ్వాలని స్థానిక పోలీసు (Police) అధికారులను ఎస్పి ఆదేశించారు. పోలీసు సిబ్బంది ప్రవర్తన పోలీసు శాఖ ప్రతిష్ట పెంచేలా ఉండాలని, అప్రతిష్టకు గురిచేసేలా ఎవరు వ్యవహరించినా శాఖాపరమైన చర్యలు తప్పవని హెచ్చరించారు.






