చీరాల : జగన్ సంవత్సర పాలన జెస్ట్ ట్రేలర్ మాత్రమే. రాబోయే రోజులలో చంద్రబాబు సైతం లోకేష్ కు అసెంబ్లీ సిటు కోసం వైసీపీకి దరఖాస్తు చేసుకోవాల్సిన పరిస్థితి వస్తుందని మాజీ ఎమ్మెల్యే ఆమంచి కృష్ణమోహన్ అన్నారు. చరిత్ర గతిని మార్చి నవశకాన్ని లిఖించే అసలు సిసలైన నాయకుడు సీఎం జగన్ అని పేర్కొన్నారు. ఏడాది కాలంగా ముఖ్యమంత్రి వైఎస్‌ జగన్ చేపట్టిన అభివృద్ధి, సంక్షేమ కార్యక్రమాలు చరిత్రలో నిలిచిపోతాయని చెప్పారు. దివంగత వైఎస్‌ రాజశేఖర్‌రెడ్డి అందించిన సంక్షేమ పాలనను మించి ఆయన తనయుడు వైఎస్‌ జగన్‌మోహన్‌రెడ్డి సుపరిపాలన అందిస్తున్నాడని అన్నారు. అధికారంలోకి వచ్చిన ఏడాదిలోనే దేశంలోని ఏ ముఖ్యమంత్రి చేయలేని విధంగా నూటికి తొంబై అయిదు శాతం సంక్షేమ పథకాలను అమలు చేసి చరిత్రాత్మక సంస్కరణలకు శ్రీకారం చుట్టిన ఘనత జగన్ కే దక్కుతుందని చెప్పారు.
ముఖ్యమంత్రి వైఎస్‌ జగన్ పాలనకు నేటితో ఏడాది పూర్తయిన సందర్భంగా చీరాల నియెజకవర్గ వైసిపి ఆధ్వర్యంలో వార్షికోత్సవ వేడుకలు ఘనంగా నిర్వహించారు. పట్టణంలోని స్థానిక గడియారస్తంభం కూడలిలోని డా. రాజశేఖర్ రెడ్డి విగ్రహం వద్ద పార్టీ జెండా ఆవిష్కరించారు. వైఎస్సార్‌ విగ్రహానికి పూలమాలలు వేసి ఘానా నివాళులర్పించారు. పార్టీ నాయకులు, కార్యకర్తల కోలాహలం మధ్య కేక్ కట్ చేసి కార్యకర్తలకు శుభాకాంక్షలు తెలిపారు.
ఎన్నికల మ్యానిఫెస్ట్ లో చెప్పిన విధంగా ఇప్పటి వరకు ప్రభుత్వం అమలు చేసిన సంక్షేమ పథకాల కర్రపత్రాలను ఆవిష్కరించారు. కర్రపత్రాల ద్వారా ప్రజాభిప్రాయాన్ని సేకరించి పార్టీ కార్యాలయానికి పంపించనున్నట్లు చెప్పారు. విన్నూతన రీతిలో మ్యానిఫెస్ట్ లోని నవరత్నాల పథకాలను ప్లెక్సీలలో పొందుపరచి ఇప్పటి వరకు అమలు చేసిన పథకాలఫై టిక్ చేస్తూ ప్రజలకు వివరించారు. కారంచేడు గేట్ సమీపంలోని జేఎంజే ఆధ్వర్యంలో ఏర్పాటు చేసిన పేదలకు కూరగాయల పంపిణి కార్యక్రమానికి ఆమంచి హాజరైయ్యారు.
తొలుత గేట్ సెంటర్ లోని డా.బిఆర్ అంబేద్కర్ విగ్రహానికి, వైఎస్సాఆర్ విగ్రహానికి పూలమాలలు వేసి నివాళులు అర్పించారు. ఈ సందర్భంగా ఆమంచి కృష్ణమోహన్ మాట్లాడుతూ ‘ఆంధ్రప్రదేశ్ చరిత్ర గతిని మార్చి నేటికి ఏడాది అయిందన్నారు. రాష్ట్ర స్వరూపాన్ని సీఎం జగన్ మార్చేశారన్నారు. భావితరాలు మెచ్చే విధంగా ఏడాది పాలన సాగిందాని అన్నారు. మేనిఫెస్టోలో పెట్టిన 90శాతం హామీలను అమలు చేసి ప్రజలు తనఫై పెట్టుకున్న నమ్మకాన్ని జగన్ నిలబెట్టుకున్నారని అన్నారు. జగన్ విజన్‌ ఉన్న నేతన్నారు. సంక్షేమం అనేది వైఎస్సార్‌ కుటుంబానికే సాధ్యమన్నారు. ఇచ్చిన హామీలతో పాటు ఇవ్వని హామీలను కూడా జగన్ తన ఏడాది పాలనలో ప్రజలకు అందించడం విశేషమన్నారు. చంద్రబాబులా ఇచ్చిన మాట తప్పడం జగన్‌కు అలవాటు లేదని చెప్పారు. చంద్రబాబు గురించి ప్రజలు మర్చిపోయారన్నారు.
కరోనా వైరస్‌ నియంత్రణకు సైతం ప్రభుత్వం కట్టుదిట్టమైన చర్యలు తీసుకుందన్నారు. మరో వైపు ప్రభుత్వ సంక్షేమ పథకాలను ఇంటి వద్దకే తీసుకెళ్లేలా వాలంటరీలతో పాటుగా సచివాలయాలు అందుబాటులోకి తెచ్చి అనేక నూతన సంస్కరణలకు శ్రీకారం చుట్టారన్నారు. రానున్న రోజుల్లో మరింత అకుంఠిత దీక్షతో పాలన కొనసాగిస్తారని’ ఆమంచి పేర్కొన్నారు.
కార్యక్రమంలో చీరాల వ్యవసాయ మార్కెట్ కమిటీ చేర్మెన్ మార్పు గ్రెగొరీ, మాజీ మున్సిపల్ చైర్మన్ రమేష్ బాబు, వైసిపి పట్టణ కన్వీనర్ యడం రవిశంకర్, మాజీ కౌన్సిలర్ గుద్దంటి సత్యనారాయణ, కర్నేటి రవి, మునగపాటి బాబు, బండ్ల బాబు, ఎఎంసి వైస్ చేర్మెన్ శవనం సుబ్బారెడ్డి, డెరెక్టర్ బజ్జి బాబు, గలాభా బాబు, చీరాల మండల కన్వీనర్ బలరాంరెడ్డి , గొల్లి అంజలి దేవి, కోటి దాసు, గవిని వేణు, సాయిల వాసు, వాడరేవు మాజీ సర్పంచ్ రమణ, సువార్త, శీలం శ్యామ్, స్వతంత్రరావు ,సత్యానందం, చెల్లి బాబు, అలెక్స్, కొండ్రు కిరణ్, పార్టీ జిల్లా కార్యదర్శి చింత శ్రీను పాల్గొన్నారు.
