చీరాల : డాక్టర్ వైఎస్ రాజశేఖరరెడ్డి 70వ జయంతి సందర్భంగా ప్రకాశం జిల్లా చీరాల అమ్మ కంటి ఆసుపత్రి అధినేత, వైసీపీ రాష్ట్ర కార్యదర్శి డాక్టర్ వరికూటి అమృతపాని ఆధ్వర్యంలో ఉచిత మెగా కంటి వైద్య శిబిరాన్ని ఆదివారం నిర్వహించారు. వైద్యశిభిరాన్ని చీరాల మాజీ శాసనసభ్యులు అమంచి కృష్ణ మోహన్ ప్రారంభించారు.
ఈ సందర్భంగా ఆయన మాట్లాడుతూ రాజశేఖర్ రెడ్డి ప్రజల ఆరోగ్యం కోసం సంక్షేమ పథకాలను తీసుకువచ్చారని చెప్పారు. వైఎస్సార్ వైద్య సేవలను కొనియాడారు. అనంతరం చీరాల ప్రాంత ప్రజలకు ఉచిత వైద్య శిబిరాలను ఏర్పాటు చేస్తున్న అమృతపానిని ప్రశంసించారు. రేపు జరగబోయే కార్యక్రమంలో ప్రజలందరూ పాల్గొని కోరారు. కార్యక్రమంలో రిటైర్డ్ జేసీ ముంగా వెంకటేశ్వర్లు, మల్లెల బుల్లి బాబు, చిరంజీవి, కర్నేటి రవి, పొత్తూరి సుబ్బయ్య పాల్గొన్నారు.
