చీరాల : ఫైర్ స్టేషన్ గేటు వద్ద ఉన్న స్మశాన వాటికలో నివాసం ఉంటున్న నిరుపేదలకు శ్రీ కామాక్షి కేర్ హాస్పిటల్ ఎండి తాడివలస దేవరాజు భోజనం పాకెట్లు పంపిణీ చేశారు. ఈ సందర్బంగా ఆయన మాట్లాడుతూ తాను ఇప్పటివరకు చేసినటువంటి సేవ, దానాలలో అతి నిరుపేదలు వీళ్లేనని అన్నారు. స్మశాన పక్కన, ఇంటికిపై కప్పు కూడా సరిగ్గా లేకుండా ఉన్నారని అన్నారు. ఫైర్ ఇంజిన్ గేటు వెనకవైపు ఉన్నటువంటి సమాధులు పక్కన ఆంజనేయస్వామి గుడి వెనకవైపు ఉన్నటువంటి 40 కుటుంబాలకు దాతలు ఎవరైనా వీరికి సహాయం చేయాలని కోరారు. బియ్యం, కూరగాయలు, పాత ఫ్లెక్సీలు, మన ఇంట్లో ఉన్నటువంటి పాత బట్టలు వంటివి ఇస్తే వారికి ఉపయోగ పడతాయన్నారు.
