చీరాల : కరోనా లాక్ డౌన్ కాలంలో పనుల్లేక, రోజు గడవక ఇబ్బందులు పడుతున్న పేదల ఆకలి తీరిచేందుకు దాతలు ముందుకు రావాలని కామాక్షి కేర్ హాస్పిటల్ ఎండి తాడివలస దేవరాజు కోరారు. పేదల ఆకలి తీర్చే ఉద్దేశ్యంతో రోటరీ క్లబ్ క్షీరపురి ఆధ్వర్యంలో అడ్డగడ్డ మల్లికార్జున్, ఐరన్ అండ్ హార్డ్ వేర్ అసోసియేషన్ సహకారంతో వేటపాలెం మండలం కటరిపాలెం యనది కాలనీ, వేటపాలెం కాలవకట్ట దగ్గర ఉన్నటువంటి 350నిరుపేదలకు టమోటో రైస్ పాకెట్స్, పెరుగు అన్నం పంపిణీ చేశారు. కార్యక్రమంలో రోటరీ క్లబ్ ఆఫ్ క్షిరపురి వ్యవస్థాపక అధ్యక్షులు అడ్డగడ్డ మల్లికార్జున్, శ్రీ కామాక్షి కేర్ హాస్పిటల్ సిబ్బంది నరేంద్ర, మురళి, వంశీ పాల్గొన్నారు.
