తూర్పుగోదావరి జిల్లా : అంబాజీపేటలోని కొబ్బరిపీచు పరిశ్రమలో భారీ అగ్నిప్రమాదం జరిగింది. అంబాజీపేట మార్కెట్యార్డు పక్కనే ఉన్న పరిశ్రమలో మంటలు చెలరేగడంతో స్థానికులు భయాందోళనకు గురయ్యారు. అగ్నిమాపక సిబ్బంది హుటాహుటిన ఘటనాస్థలికి చేరుకుని మంటలను ఆర్పివేశారు. అప్పటికే కొబ్బరిపీచు భారీగా దగ్ధమైంది. ప్రమాదంలో దాదాపు కోటి రూపాయల వరకు నష్టం వాటిల్లిందని పరిశ్రమ యాజమాన్యం తెలిపింది.
