చీరాల (Chirala) : వాడరేవు శ్రీశ్రీశ్రీ రామానంద సరస్వతి స్వామి (Vadarevu Ramananda Swami Trust)ట్రస్ట్‌ ఆధ్వర్యంలో ఆశ్రమం ఆవరణలో షుగరు వ్యాధికి ఉచిత వైద్య శిభిరం నిర్వహించారు. వివిధ ప్రాంతాల నుండి వేకువ జామునే వచ్చిన 1231 మందికి ఉచితంగా వైద్య పరీక్షలు చేశారు. నెల రోజులకు సరిపడు మందులు ఉచితంగా అందజేసినట్లు ఆశ్రమ మేనేజర్‌ నారాయణం సురేష్‌ తెలిపారు. శిభిరానికి హాజరైన వారందరికి అల్పాహారం, తాగునీరు, ఇతర సహాయక ఏర్పాట్లు చేశారు. బాధితులు ఎక్కువ సేపు వేచి ఉండ కుండా వేగంగా వైద్య పరీక్షలు చేసినట్లు తెలిపారు. షుగరు వ్యాధి బాదితులు కేవలం మందులపైనే ఆధారపడకుండా రోజువారీ జీవన విధానం మార్చుకుని షుగర్ నియంత్రణలో ఉంచుకోవాలని వైద్యులు చెప్పారు. ఆహారపు అలవాట్లు మార్చుకోవాలని, మానసిక ఆందోళన తగ్గించుకోవాలని చెప్పారు. ప్రతి రోజు వ్యాయామం, నడక అలవాటు చేసుకోవాలని చెప్పారు. వైద్య శిభిరంలో డాక్టర్ ఎం రాజరాజేశ్వరి, డాక్టర్ కమలా రాజేశ్వరి, డాక్టర్ లలిత్‌ ప్రకాష్, డాక్టర్ పేట శ్రీకాంత్‌, డాక్టర్ ప్రకాష్ వైద్య పరీక్షలు చేశారు. ట్రస్ట్‌ ఉపాధ్యక్షులు కె కృష్ణారావు, సాయి ఫణికిషోర్‌, చందన, కామేశ్వరరావు, ఎంజి శంకరరావు, బసవరావు, కుమార్‌, కె లింగరాజు, మోహన్, మిత్ర ల్యాబ్ వలి, గోపాల్ ఏర్పాట్లు చేశారు.
