చీరాల : ప్రపంచ రక్తదాతల దినోత్సవం సందర్భంగా చీరాల ప్రభుత్వ వైద్యశాలలో బ్లడ్ డోనర్స్ క్లబ్ ఆధ్వర్యంలో ఎక్కువసార్లు రక్తదానం చేసిన వారిని గురువారం అభినందించారు. డిఎస్పీ డాక్టర్ ప్రేమకాజల్ మాట్లాడుతూ ప్రపంచంలో అన్ని కృత్రిమంగా తయారు చేశారుగాని రక్తాన్ని మాత్రం తయారు చేయలేకపోయామని చెప్పారు. రక్త దానంతో ఆపదలో ఉన్నవారిని కాపాడాలంటే రక్తదాతలను ప్రోత్సాహించాలన్నారు.
పోలీస్ శాఖ నుండి ప్రతినెలా 10మందితో రక్తదానం చేయిస్తామని చెప్పారు. ఎక్కువ సార్లు రక్తదానం చేసిన అన్నంరాజు సుబ్బారావు, న్యాయవాది బుదరాజు శశికిరణ్, ఊటుకురి బాదరినారాయన, రాంప్రసాద్, జిఎవి ప్రసాద్లను సత్కరించి, జ్ఞాపికలను బహుకరించారు. కార్యక్రమంలో హెచ్డిసి చైర్మన్ ఎంవి రమణారావు, డాక్టర్ సురేషకుమార్ పాల్గొన్నారు.
