హైదరాబాద్ : మాజీ స్పీకర్, టీడీపీ నేత డాక్టర్ కోడెల శివప్రసాద్ ఆత్మహత్యాయత్నం చేసారు. హైదరాబాద్లో ఉన్న ఆయన సోమవారం తన నివాసంలో ఈ తీవ్ర చర్యకు ఒడిగట్టినట్లు తెలిసింది. ప్రస్తుతం కోడెల శివప్రసాద్ ఆరోగ్యం విషమంగా ఉన్నట్లు సమాచారం. ప్రస్తుతం ఆయనకు జూబ్లీహిల్స్ లోని బసవతారకం కాన్సర్ ఆసుపత్రిలో చికిత్స చేస్తున్నారు. దీనిపై వైద్యులు కూడా స్పందించడం లేదు. అయితే మరో కధనం ప్రకారం కోడెల గుండెపోటుకు గురైనట్లు చెబుతున్నారు. తీవ్ర గుండెపోటుకు గురైన కోడెలను హుటాహుటిన ఆసుపత్రికి తరలించారని సమాచారం. పూర్తి వివరాలు తెలియాల్సి ఉంది.
