చీరాల : రాజ్యాంగ ఆమోద దినోత్సవం సందర్భంగా వైసిపి ఆధ్వర్యంలో ముక్కోణం పార్కు సెంటర్లోని డాక్టర్ బీఆర్ అంబేద్కర్ విగ్రహానికి పూలమాలలు వేసి నివాళులర్పించారు. ఈ సందర్భంగా వైసిపి రాష్ట్ర కార్యదర్శి డాక్టర్ వరికూటి అమృతపాణి మాట్లాడారు. ప్రపంచంలో అతిపెద్ద ప్రజాస్వామ్య దేశమైన భారత దేశ గమనానికి దిక్సుచి వంటి రాజ్యాంగాన్ని అందించిన దార్శనికుడు అంబేద్కర్ అన్నారు.
అలాంటి మహనీయులను తలచుకోవడమంటే మంల్ని మనం సంస్కరించుకోవడమే నన్నారు. దేశాన్ని, ప్రజలను పాలించే వారిని ఎన్నుకునేందుకు ఇచ్చిన ఓటు హక్కును అమ్ముకునే పరిస్థితి పోతేనే అంబేద్కర్ ఆశించిన ఫలితాలు ప్రజలకు దక్కుతాయన్నారు. కార్యక్రమంలో కొత్తపేట మాజీ సర్పంచ్ చుండూరు వాసు, కర్నేటి రవి, ఎన్ రాజకుమార్, పొదిలి ఐస్వామి పేర్లి సాంబు, పేర్లి నాని పాల్గొన్నారు.
