చీరాల : రైల్యే స్టేషన్లో అంబేద్కర్ చిత్రపటాన్ని మంగళవారం సేవక్ సంస్థ ఆధ్వర్యంలో ఆవిష్కరించారు. ఈ సందర్భంగా అమ్మ హాస్పిటల్ కంటి వైద్యులు, వైసిపి రాష్ట్ర కార్యదర్శి డాక్టర్ వరికూటి అమృతపాణి మాట్లాడారు. దేశానికి దిశానిర్దేశం చేసిన దార్శనికుడు డాక్టర్ బాబాసాహెబ్ అంబేద్కర్ అని అన్నారు. అలాంటి మహోన్నత నేత చిత్రపటాన్ని ఆవిష్కకరించుకోవడం అభినందనీయమన్నారు.
అంబేద్కర్ స్పూర్తితో సామాజిక న్యాయం, అణగారిన వర్గాల రాజ్యాధికారం కోసం దళితులు, కష్ట జీవులు ఐక్యం కావాలన్నారు. కార్యక్రమంలో సేవక్ ప్రతినిధులు కోటి ఆనంద్, పేర్లి నాని పాల్గొన్నారు.
