గుంటూరు : చీరాల శ్రీ కామాక్షి కేర్ హాస్పిటల్ ఎండి డాక్టర్ తాడివలస దేవరాజు తమ్ముడైన తాడివలస ఏడుకొండలు ఫిజికల్ ఎడ్యుకేషన్ అండ్ స్పోర్ట్స్ సైన్స్ నందు డిగ్రీ ఆఫ్ డాక్టర్ ఆఫ్ ఫిలాసఫీ పట్టాను ఆచార్య నాగార్జున యూనివర్సిటీ నుండి అందుకున్నారు. ఈ సందర్భంగా డాక్టర్ తాడివలస ఏడుకొండలు మాట్లాడుతూ తాను డాక్టరేట్ పొందడానికి సహకరించిన తమ ప్రొఫెసర్ మరియు గైడ్ కు ప్రత్యేక ధన్యవాదాలు తెలియజేశారు. చదువు నేర్పిన గురువులకు జీవితాంతం రుణపడి ఉంటానని అన్నారు. చదువుతో ఉన్నత శిఖరాలను అధిరోహించవచ్చని చెప్పారు. విద్యతో సమాజంలో మంచి గుర్తింపు అందుతుందని తెలిపారు. ఈ సందర్భంగా శ్రీ కామాక్షి కేర్ హాస్పిటల్ వైద్యు బృందం, తాడివలస కుమార్, తాడివలస సురేష్, పంబ నరేష్, నారాయణ, పంబ నాగయ్య, వైద్య సిబ్బంది మరియు కుటుంబ సభ్యులు డాక్టర్ ఏడుకొండలకు శుభాకాంక్షలు తెలియజేశారు.
