చీరాల (Chirala) : జనసేన (Janasena) అధినేత పవన్ కళ్యాణ్ (PowanKalyan) ఆదేశాల మేరకు ప్రమాదంలో మరణించిన చీరాల బండపాలెంకు చెందిన జనసేన సభ్యులు ముత్తుకూరి వెంకట బాలసాయి కుటుంబ సభ్యులకు రూ.5 లక్షల చెక్కును ఎమ్మెల్సీ కొణిదెల నాగబాబు స్వయంగా అందజేశారు. జనసేన సెంట్రల్ ఆంధ్ర జోన్ కమిటీ సభ్యుడు ఆలా శ్రీధర్ సమన్వయంతో ఈ చెక్కుల పంపిణీ అందజేశారు. జనసేన సభ్యులైన దివంగత బాల సాయి తల్లిదండ్రులు ముత్తుకూరి మల్లేశ్వరి, ముత్తుకూరి నాగేశ్వరరావు మాట్లాడుతూ పవన్ కళ్యాణ్ సహాయం తమ కుటుంబానికి ఎంతో ఉపశమనం ఇచ్చిందని అన్నారు. కార్యక్రమంలో పిఎసి చైర్మన్ నాదేళ్ల మనోహర్, జనసేన నాయకులు హరిప్రసాద్, షేక్ రియాజ్, ఆలా అనిల్‌, ఆలా శ్రీధర్, కత్తుల గోపి, జి నవీన్ పాల్గొన్నారు.
