పంగులూరు (Panguluru): మంత్రి గొట్టిపాటి రవికుమార్ (Minister Gottipati Ravikumar)పుట్టినరోజు సందర్భంగా మండలంలోని ముప్పవరం బీసీ బాలికల వసతి గృహంలోని విద్యార్థులకు టిడిపి నాయకులు ఆదివారం పండ్లు పంపిణీ చేశారు. ఈ సందర్భంగా టిడిపి మండల అధ్యక్షులు రావూరి రమేష్ బాబు, సీనియర్ నాయకులు కుక్కపల్లి ఏడుకొండలు మాట్లాడారు. ప్రజా సంక్షేమమే ధ్యేయంగా గొట్టిపాటి రవికుమార్ పనిచేస్తున్నారని అన్నారు. అందువల్లనే ప్రజలు ఆయనను అభిమానిస్తున్నారని అన్నారు. నియోజవర్గంలో అనేక అభివృద్ధి కార్యక్రమాలు జరుగుతున్నాయని చెప్పారు. ఆయన పుట్టినరోజును వేడుకగా జరుపుతున్నామని తెలిపారు. అనంతరం విద్యార్థినిలకు పండ్లు పంపిణీ చేశారు. కార్యక్రమంలో జిల్లా డైరీ మాజీ చైర్మన్ బాలిన రామసుబ్బారావు, జాగర్లమూడి వారిపాలెం పిఎసిఎస్ అధ్యక్షులు అల్లంనేని బ్రహ్మానంద స్వామి, గుర్రం ఆదిశేకర్, వలపర్ల సుబ్బారావు, గుదిబండ్ల ఆదిరెడ్డి, గొట్టిపాటి కాజా స్వామి, దూళిపాళ్ల వీరనారాయణ, రేణింగవరం మాజీ సర్పంచ్ అమర్తపూడి ఏసోబు, ఎల్లాల నాగిరెడ్డి, కాటా అంజయ్య పాల్గొన్నారు.
