చీరాల : కొత్తపేట జెడ్‌పి ఉన్నత పాఠశాలలో ఆరోతరగతి విద్యార్ధులకు మదర్‌ థెరిస్సా ఆరోగ్యమే మహాభాగ్యం ఫౌండేషన్ ఆధ్వర్యంలో తెలుగు – ఆంగ్ల నిఘంటువులను శనివారం పంపిణీ చేశారు. ఈ సందర్భంగా జరిగిన సభలో గుంటూరు జిల్లా అకౌంట్స్ ఆఫీసర్ సిహెచ్‌వి పుల్లారావు మాట్లాడుతూ విద్యార్థినీ, విద్యార్థులు ఉపాధ్యాయులు బోధించిన పాఠాలను క్షుణ్నంగా అర్థం చేసుకొనుటకు, కొత్త కొత్త పదాలను నేర్చుకోవటానికి ఈ నిఘంటువును ఉపయోగించుకోవాలని కోరారు. శ్రద్ధతో చదివి ఉన్నత విద్య నభ్యసించాలని సూచించారు. కార్యక్రమంలో హెచ్‌ఎం ఎస్ ఇందిరా ఇజ్రాయెల్, ఎస్‌జిడి ఖురేషీ, వేమా శ్రీనివాసరావు, షేక్ మీరావలి, భాను, ఫణి, కె రవికుమార్ పాల్గొన్నారు.
