దీపికా పదుకొణే హాలీవుడ్ నుంచీ బాలీవుడ్ దాకా విస్తరించిన అందాల అల్పపీడనం. అందుకే, ఆమె ఉందంటే చాలు… కాసుల వర్షాలు కురుస్తుంటాయి. మరి హాలీవుడ్ యాక్షన్ మూవీలు మొదలు బాలీవుడ్ హిస్టారికల్ సినిమాల దాకా అన్నిట్నీ తన సత్తాతో సక్సెస్ చేస్తోన్న దీపికకి అందుకు తగిన గుర్తింపు రాకుండా ఉంటుందా!? ఇప్పుడు మరో మారు ఈ ఫాబ్యులస్ బ్యూటీని ఫోర్బ్స్ గుర్తించి, తరించింది.
దీపికా పదుకొణేకు ఫోర్బ్స్ జాబితాల్లో స్థానాలు కొత్తేం కాదు. అయితే, ఈ సారి దీపూ సాధించిన ఘనత మాత్రం మరింత ప్రత్యేకం. కొన్నాళ్ల కిందట ‘మోస్ట్ గార్జియస్ ఉమన్ ఇన్ ద వరల్డ్ ఫ్రమ్ బాలీవుడ్’ టైటిల్ పొందింది దీపిక. ఇక ఇప్పుడు ఫోర్బ్స్ ఇండియా ఆమెను తమ ‘సెలబ్రిటీ 100′ లిస్ట్‌లో పేర్కొంది. అంతే కాదు, టాప్ ఫైవ్‌లో చోటు సంపాదించిన ఏకైక మహిళగా దీపిక నిలిచింది. గతంలో మరే బాలీవుడ్ నటీ ఈ రికార్డ్ సాధించలేదు. మిసెస్ రణవీర్ త్వరలో భర్తతో కలసి ’83’ సినిమాలో కనిపించబోతోంది. అలాగే, లక్ష్మీ అగర్వాల్ అనే యాసిడ్ దాడి బాధితురాలి బయోపిక్‌లోనూ నటిస్తోంది. దీపిక, మేఘనా గుల్జార్‌ల ‘ఛపాక్’ కూడా త్వరలోనే రానుంది. మరి మంచి ఊపు మీదున్న దీపిక క్రేజ్ తో ఈ సినిమాలు ఏ స్థాయి విజయాలను సొంతం చేసుకుంటాయో చూడాలి.
