చీరాల : గుంటూరు ఆచార్య నాగార్జున యూనివర్సిటీ నుంచి డాక్టరేట్ పొందిన తాడివలస ఏడుకొండలకు సెంట్ మార్క్స్ లూథరన్ జూనియర్ కాలేజీలో ప్రిన్సిపల్ పుష్పరాజు, డాక్టర్ తాడివలస దేవరాజు అధ్యక్షతన అభినందన, సన్మాన సభ ఏర్పాటు చేశారు. డాక్టర్ ఏడుకొండలకు కాలేజీ అధ్యాపకులు, బంధుమిత్రులు సన్మానం నిర్వహించారు.
ఈ సందర్భంగా కళాశాల ప్రిన్సిపల్ పుష్పరాజు, కళాశాల పూర్వ విద్యార్థి మరియు శ్రీ కామాక్షి కేర్ హాస్పిటల్ ఎండి డాక్టర్ తాడివలస దేవరాజు మాట్లాడుతూ ప్రతి ఒక్క విద్యార్థి ఉన్నత శిఖరాలు చేరిన అందర్నీ ఆదర్శంగా తీసుకొని మీరు కూడా ఉన్నత శిఖరాలకు అధిరోహించి కుటుంబానికి, కళాశాలకి మంచి పేరు తేవాలని కోరారు.
సన్మాన గ్రహీత డాక్టర్ తాడివలస ఏడుకొండలు మాట్లాడుతూ డాక్టర్రేట్ పొందడానికి సహకరించినటువంటి గైడ్ మరియు అసిస్టెంట్ ప్రొఫెసర్ డాక్టర్ పి జాన్సన్ కు ప్రత్యేక అభినందనలు తెలిపారు. ప్రతి విద్యార్థికి లక్ష్యం, కృషి, పట్టుదల అనే మూడు అంశాలు జీవితంలో ఉన్నత స్థాయికి చేరటానికి ఎంతగానో ఉపయోగపడతాయని అన్నారు. కష్టపడితే ఉజ్వల భవిష్యత్తు ఉంటుందని విద్యార్థులకు తెలిపారు. లూధరన్ కళాశాల అధ్యాపకులకు జీవితాంతం రుణపడి ఉంటానని తెలిపారు
కార్యక్రమంలో కళాశాల అధ్యాపక సిబ్బంది మంజుల, సుమ, పార్వతి, షిలా, ఖాద్రి, షిపోరా, బోధనేతర సిబ్బంది లక్ష్మయ్య, వై వినీల, జి నిలిమ, డి జార్జ్ విన్సెంట్, జె జ్యోతి, విద్యార్థిని విద్యార్థులు, తాడిపలస బ్రదర్స్ కుమార్, సురేష్, పంబ నరేష్, గోలి జగదీష్ , మురముళ్ల ప్రసాద్, తాడివలస బంధుమిత్రులు తదితరులు పాల్గొన్నారు.
