Chinni Serial April 21th Episode: నేటి ఎపిసోడ్‌లో ఏమైందో చూద్దాం.
తన తల్లి కావేరిని కాపాడుతున్న ఆ అదృష్ట శక్తి ఎవరో కాదు. తన తండ్రి బాలరాజే అని తెలుసుకుంటుంది చిన్ని. అప్పటి నుంచి తన తండ్రి మారిపోయాడని తల్లికి సర్దిచెప్పే ప్రయత్నం చేస్తూనే ఉంటుంది. వాళ్లిద్దర్నీ ఒక్కటి చేయడానికి చూస్తుంటుంది. అయితే కావేరి మాత్రం. బాలరాజు చేసిన ద్రోహాన్ని మర్చిపోలేదు. అతన్ని క్షమించదు. దాంతో ఒక్కసారి నాన్నతో మాట్లాడమ్మా అని పంతం పడుతుంది చిన్ని. నాన్నతో మాట్లాడేవరకూ నేను పచ్చి మంచినీళ్లు కూడా ముట్టనని మొండిపట్టుపడుతుంది. ఇక ఈరోజు (ఏప్రిల్ 21) రాత్రి ప్రసారం కాబోయే ఎపిసోడ్‌లో ఏమైందంటే చిన్ని ఏమీ తినడం లేదని బాలరాజుకి ఫోన్ చేసి చెప్తుంది భారతి. దాంతో బాలరాజు చిన్నికి అన్నం పట్టుకుని బయల్దేరతాడు. అయితే నేరుగా బాక్స్ పట్టుకుని ఇంటికి వెళ్తే సత్యం బాబు తిడతాడని గ్రహించిన హాఫ్ టికెట్ (బాలరాజు స్నేహితుడు) చందుకి ఫోన్ చేసి విషయం చెప్తాడు. నేను బాలరాజు ఇంటి బయటఉన్నాం. చిన్ని తినడం లేదని అన్నం తీసుకుని వచ్చాం. చిన్నిని బయటకు పంపిస్తావా? అని అడుగుతాడు హాఫ్ టికెట్. దాంతో చందు. ‘ఓకే. ఓకే. అని తన ఫ్రెండ్‌తోనే మాట్లాడినట్టుగా మాట్లాడి. మా టీచర్ వర్క్ ఇచ్చిందంట. ఆ వర్క్ కోసం కాల్ చేశాడు. అని గబగబా తినేసి. చిన్ని దగ్గరకు పరుగుతీస్తాడు.
చిన్ని రాదట మామయ్యా మీరు వెళ్లిపోండి.
నీకోసం మామయ్య వచ్చాడు. నీకోసం అన్నం తీసుకుని వచ్చాడట. బయట వాళ్లు ఎదురుచూస్తున్నారు. వెళ్లు అని అంటాడు చందు. ‘లేదు నేను వెళ్లను’ అని అంటుంది చిన్ని. దాంతో చందు మళ్లీ హాఫ్ టికెట్‌కి ఫోన్ చేస్తాడు. చిన్ని రానంటుంది. నా మాట వినడం లేదు. మీరు వెయిట్ చేయడం వేస్ట్. వెళ్లిపోండి’ అని అంటాడు. అది విన్న బాలరాజు. ‘చిన్ని బయటకు రాకపోతేనేం. నేను లోపలికి వెళ్తాను’ అని సత్యం ఇంట్లోకి వెళ్తాడు బాలరాజు. అతన్ని చూసిన సత్యం. ‘వీడు వచ్చాడేంటి? అని ఆవేశంగా వెళ్తాడు.
ఆగరా నువ్వెందుకొచ్చావ్..
ఆగరా. నువ్వెందుకు వచ్చావ్ అని నిలదీస్తాడు. ఇంతలో కావేరి కూడా వస్తుంది. చెప్పరా. మా ఇంటికి ఎందుకు వచ్చావ్ అని నిలదీస్తాడు సత్యం. ‘చిన్ని కోసం’ అని అంటాడు బాలరాజు. చిన్ని కోసం ఈ టైమ్‌లో రావడం ఏంటి? అని అంటాడు సత్యం. అంటే నేను చిన్నికి అన్నం తీసుకుని వచ్చాను అని అంటాడు బాలరాజు. ‘చిన్నికి అన్నం తీసుకుని రావడానికి నువ్వెవర్రా. తను అన్నం తినలేదని నీకు ఎలా తెలుసు? అని నిలదీస్తాడు సత్యం. అంటే అదీ. చిన్నికి ఆలూ కర్రీ ఇష్టం కదా. అది తింటుంటే గుర్తొచ్చింది అని కవర్ చేస్తాడు బాలరాజు.
నా మేనకోడలికి అన్నం పెట్టడానికి నువ్వెవడ్రా అసలు?
దాంతో సత్యం బాబు. ‘నా మేనకోడలికి అన్నం తీసుకుని రావడానికి నువ్వు ఎవడివిరా అసలు నీ చేతి వంట తినాల్సిన కర్మ చిన్నికిపట్టలేదు పో’ అని అంటాడు. ప్లీజ్ సత్యం బాబూ. అలా అనొద్దు. తన కోసం ప్రేమగా తీసుకుని వచ్చాను కదా. ఇచ్చేసి వెళ్లిపోతాను ప్లీజ్ సత్యం బాబూ’ అని బ్రతిమిలాడతాడు బాలరాజు. ఏంటయ్యా ఇచ్చేది. నువ్వు అన్నం పట్టుకుని వస్తే చూసేవాళ్లు ఏమనుకుంటారు. సత్యం బాబు తన మేనకోడలికి అన్నం కూడా పెట్టడం లేదు అని అనుకుంటారు. మా పరువు తీయాలని చూస్తున్నావా? అని అంటుంది సరళ. దాంతో బాలరాజు. ‘అది కాదు సరళక్కా. నన్ను అపార్థం చేసుకోకు’ అని అంటాడు.
నేలపాలైన అన్నం.. విషం కలిపావా అందులో
అక్కా లేదూ అరటితొక్కా లేదూ పో అని అంటుంది సరళ. రేయ్ పోరా. మర్యాదగా వెళ్తావా? మెడ పట్టుకుని గెంటేయనా? అని అంటాడు సత్యం. ఈ బాక్స్ ఇచ్చేసి వెళ్లిపోతాను సత్యం బాబూ అని బాలరాజు అనేసరికి ఏంట్రా బాక్సూ పో అని బాలరాజుని నెట్టేస్తాడు సత్యం. దాంతో అతని చేతిలో ఉన్న బాక్స్ కిందపడిపోతుంది. ‘రేయ్ ఏం కలిపి తీసుకొచ్చావ్ రా దాంట్లో విషం కలిపావా? మమ్మల్ని చంపేయాలని చూస్తున్నావా? అని అంటాడు సత్యం. నేను అలా ఎందుకు చేస్తాను సత్యం అని బాలరాజు అంటే. ‘నువ్వు ఎంతకైనా తెగిస్తావ్ రా నా చెల్లెలి జీవితాన్ని సర్వనాశనం చేసిన నీకు ఇదో లెక్కా? ఏమైనా చేస్తావ్. పోరా ఇక్కడ నుంచి అని బాలరాజు కాలర్ పట్టుకుంటాడు సత్యం.
వెళ్లిపో రాజు. వెళ్లిపో. నీకు దండం పెడతాను వెళ్లిపో
ఇంతలో చిన్ని పరుగుపరుగున వచ్చి. రాజుని ఏం చేయొద్దు మామయ్యా. వెళ్లిపోతాడు. ప్లీజ్ రాజు. వెళ్లిపో నీకు దండం పెడతాను వెళ్లిపో’ అని దండం పెడుతుంది. దాంతో బాలరాజు. అలాగే చిన్నీ వెళ్లిపోతాను అంటూ కన్నీళ్లతో వెనుతిరుగుతాడు. ‘ఏనాటి బంధమో. అల్లుకుంది నిన్నే. వీడిపోదే’ అంటూ సాంగ్ వేసుకుని బాలరాజు ఎమోషనల్ అవుతాడు. బాలరాజు మాత్రం నటనతో జీవించేస్తున్నాడు. అటు చిన్ని. ఇటు కావేరి. బాలరాజు. సత్యం ఇలా ఎవరికి వాళ్లు బాధపడుతూనే ఉంటారు. అర్థరాత్రి అయినా కూడా చిన్ని తినకపోయేసరికి ప్లేట్‌లో అన్నం పెట్టుకుని వస్తుంది కావేరి.
ఆ రాక్షసుడు చస్తేనే కానీ పీడ విరగడవ్వద్దు. ‘అమ్మా.. తప్పు అమ్మా’
అన్నం తినమని బ్రతిమిలాడుతుంది కావేరి. నా మాట విను తిను. అని కావేరి అంటే. ‘నువ్వు కూడా నామాట విని నాన్నతో మాట్లాడమ్మా అని అంటుంది చిన్ని. ఆ మాటతో కావేరి. ‘ఏం మాట్లాడాలే. ఆ దుర్మార్గుడు, నీఛుడు, నికృష్టుడు అంటూ మళ్లీ పాత పాటే పాడుతుంది. మన జీవితాలను నాశనం చేసి ఆ రాక్షసుడు చస్తే కానీ పీడ వదలదు అని అంటుంది కావేరి. దాంతో చిన్ని ‘అమ్మా అని పెద్దగా అరుస్తూ. తప్పు అమ్మా నువ్వు అలా మాట్లాడకూడదు’ అని అంటుంది. ఎందుకు మాట్లాడకూడదు. ప్రపంచానికి కావేరిగా నేను చనిపోవడానికి కారణమైన ఆ నీఛుడిగురించి ఎందుకు మాట్లాడకూడదు’ అని అంటుంది కావేరి.
నిన్ను కాపాడుతున్న ఆ శ్రేయోభిలాషి ఎవరో కాదమ్మా నాన్నే!
ఆమాటతో చిన్ని. ప్రపంచం దృష్టిలో నువ్వు కావేరిగా చనిపోయినా. ఉషగా బతికి ఉండటానికి కారణం మా నాన్నే. నిన్ను కాపాడుతున్న ఆ శ్రేయోభిలాషి ఎవరో కాదు నాన్నే అని నిజం చెప్పేస్తుంది చిన్ని. ఆ మాటతో ఒక్కసారిగా షాక్ అయిపోతుంది కావేరి. ఏంటీ ఏమంటున్నావ్ అని కావేరి అనడంతో. ‘నిజం అమ్మా. ఆ ఫైర్ యాక్సిడెంట్ నుంచి నిన్ను కాపాడింది నాన్నే. నిన్ను కాపాడటమే కాదు. నీ శ్రేయోభిలాషిగా నీతో ఫోన్‌లో మాట్లాడుతున్నది కూడా నాన్నే. నిన్ను ఉషగా మా స్కూల్‌లో టీచర్‌గా తీసుకొచ్చింది కూడా నాన్నే. ఏసీపీ సార్ నిన్ను పట్టుకోవడానికి ఎన్ని ప్రయత్నాలు చేసినా కూడా. నువ్వు దొరక్కుండా అడ్డుపడింది మా నాన్నే.
ఏంటీ నన్ను కాపాడుతున్నది బాలరాజా..
నిన్ను ఫైర్ యాక్సిడెంట్‌లో కాపాడింది మొదలు ఈరోజు వరకూ. నిన్ను కంటికి రెప్పలా కాపాడుకుంటూ వస్తున్నది మా నాన్నేనమ్మా. మా నాన్నే. అంటూ జరిగింది మొత్తం చెప్పేస్తుంది చిన్ని. దాంతో కావేరి. ఏంటి చిన్నీ. ఏంటి నువ్వు మాట్లాడుతున్నది. అని కావేరి అంటే. నిజాలమ్మా. నీకు ఇప్పటివరకూ తెలియని నిజాలు అని అంటుంది చిన్ని. ఏంటీ నన్ను ఇంతకాలం పాడింది బాలరాజా అంటూ కన్నీళ్లతో అక్కడే కుప్పకూలిపోతుంది కావేరి. ఇప్పుడైనా నమ్ముతావమ్మా. నాన్నకి మనపై ప్రేమ ఉందంటే చిన్ని అడగ్గా. నమ్మను అని తెగేసి చెప్తుంది కావేరి. ‘నేను చచ్చినా నమ్మను. నన్ను కాపాడుతున్నాడంటే. చేసిన తప్పుని సరిదిద్దుకోవడానికే నన్ను కాపాడుతున్నాడు’ అని అంటుంది కావేరి. మరి చిన్ని నిర్ణయం ఏంటో రేపటి ఎపిసోడ్‌లో చూద్దాం.
