చీరాల : సెయింట్ ఆన్స్ ఇంజనీరింగ్ కళాశాల ఎన్ఎస్ఎస్ విభాగం విద్యార్థుల ఆధ్వర్యంలో రక్తదాన శిబిరం నిర్వహించినట్లు కళాశాల సెక్రటరీ వనమా రామకృష్ణారావు, కరస్పాండెంట్ ఎస్ లక్ష్మణరావు, ప్రిన్సిపాల్ ఎం వేణుగోపాలరావు తెలిపారు. చీరాల ఏరియా వైద్యశాల సహకారంతో రక్తదాన శిబిరం నిర్వహించినట్లు తెలిపారు. ఈ సందర్భంగా 75 మంది విద్యార్థులు స్వచ్ఛందంగా రక్తదానం చేసినట్లు తెలిపారు.
విద్యార్థులు చదువుతోపాటు సామాజిక బాధ్యతగా వ్యవహరించడం అభినందనీయమన్నారు. రక్తదానం చేయడం అంటే ప్రాణదానంతో సమానమని అన్నారు. రక్తదానం చేసిన విద్యార్థులకు చేరాల ఏరియా వైద్యశాల వైద్యాధికారులు ప్రశంసా పత్రాలను అందజేశారు. కార్యక్రమంలో ఎన్ఎస్ఎస్ కోఆర్డినేటర్ డి జ్యోతి స్వరూప్, చీరాల ఏరియా వైద్యశాల బ్లడ్ బ్యాంక్ ఇన్చార్జి డాక్టర్ నాగిరెడ్డి, కళాశాల అధ్యాపక అధ్యాపకేతర సిబ్బంది పాల్గొన్నారు.
