చీరాల : ఉపాధి అవకాశాలు కల్పిస్తామని చెప్పి అధికారానికి వచ్చిన బిజెపి నిరుద్యోగ యువత ను మోసం చేసి కార్పొరేట్ సేవ చేస్తున్నారని డివైఎఫ్ఐ రాష్ట్ర అధ్యక్షుడు జి రాముడు ఆరోపించారు. సిఐటియు కార్యాలయంలో జరిగిన శిక్షణా తరగతులలో ఆయన మాట్లాడారు. ఏడాదికి 2కోట్ల మందికి ఉద్యోగులు ఇస్తామన్న హామీ గాలికొదిలారని పేర్కొన్నారు. కార్పొరేట్ కాంపినీలకు వేల కోట్ల రాయితీలు ఇస్తూ పేద, మధ్యతరగతి ప్రజలపై పన్నుల భారం వేస్తున్నారని అన్నారు. నోట్ల రద్దు, జిఎస్టీ, బ్యాంకుల విలీనంతో ఆర్ధిక వ్యవస్థ సంక్షోభంలో డిందన్నారు. మహిళలు, బాలికలపై అత్యాచారాలు, నిరుద్యోగుల ఆత్మహత్యలు పెరిగాయన్నారు. నల్లమలలో యురేనియం తవ్వకాలతో తెలుగు రాష్ట్రాల ప్రజల జీవితాలను ప్రమాదంలో పెట్టారని అన్నారు. బిజెపి విధానాలపై జాతీయ స్థాయిలో ఉద్యమం చేయనున్నట్లు తెలిపారు.
చీరాల కామాక్షి కేర్ హాస్పిటల్ మెనేజింగ్ డైరెక్టర్ తాడివలస దేవరాజు మాట్లాడుతూ డివైఎఫ్ఐ చేస్తున్న సేవా కార్యక్రమాలు అభినందించారు. సమస్యలపై యువత చైతన్యం కావాలన్నారు. దేశాన్ని మార్చేశాక్తి యువతకు ఉందన్నారు. బడుగు, బలహీన వర్గాల ప్రజల జీవితాల్లో వెలుగులు నింపే చైతన్యం తీసుకరావాలన్నారు. సమావేశానికి కెఎఫ్ బాబు అధ్యక్షత వహించారు. తరగతుల్లో డివైఎఫ్ఐ జిల్లా మాజీ కార్యదర్శి కంకణాల ఆంజనేయులు, డివైఎఫ్ఐ జిల్లా కార్యదర్శ సిహెచ్ సుధాకర్, పి సాయిరాం, సుబ్బారెడ్డి, రాంబాబు, ఈ కరుణాకర్, కె మధు, సిహెచ్ మోహన్, సిఐటియు నాయకులు ఎన్ బాబురావు పాల్గొన్నారు.
