చీరాల : మాజీ రాష్ట్రపతి, భారతరత్న డాక్టర్ ఏపీజే అబ్దుల్ కలాంను స్ఫూర్తిగా తీసుకుని విద్యార్థులు ఉత్తమ పౌరులుగా ఎదగాలని విశ్రాంత శాస్త్రవేత్త అందే మురళి వరప్రసాద్ కోరారు. కలాం 4వ వర్ధంతి సందర్భంగా ప్రకాశం జిల్లా చీరాలలోని ఈపురుపాలెం జడ్పీ బాలికోన్నత పాఠశాలలో శనివారం జరిగిన వర్ధంతి సభలో మురళి మాట్లాడారు. ముందుగా కలాం చిత్ర పటానికి పూలమాలలు వేసి నివాళులర్పించారు. అనంతరం విద్యార్థులనుద్దేశించి వరప్రసాద్ మాట్లాడుతూ పేదరికం నుంచి రాష్టప్రతి స్థాయికి ఎదిగిన కలాం చరిత్రను గుర్తుచేశారు. కార్యక్రమంలో ప్రధానోపాధ్యాయుడు ఎం వెంకటేశ్వర్లు, ఉపాధ్యాయులు సుజాత, ప్రియానందం, సూరిబాబు, లక్ష్మీదేవి పాల్గొన్నారు.
