‘రాజావారు రాణిగారు’ చిత్రం ద్వారా హీరోగా పరిచమైన కిరణ్ అబ్బవరం, ‘టాక్సీవాలా’ హీరోయిన్ ప్రియాంక జవాల్కర్ జంటగా ఎలైట్ ఎంటర్టైన్మెంట్స్ పతాకంపై ఓ చిత్రం రూపొందుతోంది. ఈ చిత్రానికి ‘ఎస్ఆర్ కళ్యాణమండపం- Est. 1975’ అనే టైటిల్‌ని ఖరారు చేశారు. ప్రస్తుతం ఈ మూవీ షూటింగ్ శరవేగంగా జరుపుకుంటోంది. శ్రీధర్ గాదె దర్శకుడిగా పరిచయమవుతున్నారు.
ఒక కళ్యాణమండపం చుట్టూ జరిగే క‌థ‌తో, రాయలసీమ నేపథ్యంలో సాగే కమర్షియల్ ఫ్యామిలీ ఎంటర్టైనర్‌గా ఈ చిత్రం తెరకెక్కుతోంది. ఈ సినిమాలో ‘డైలాగ్ కింగ్’ సాయి కుమార్ హీరో తండ్రి పాత్ర పోషిస్తున్నారు. త‌న కెరీర్‌లో తొలిసారిగా సాయికుమార్ రాయలసీమ మాండలికం, వ్యావహారిక శైలిని అనుసరించనున్నారట. అలానే తండ్రీ కొడుకుల మధ్య బంధాన్ని గొప్పగా చూపించే ప్ర‌య‌త్నం ఈ సినిమాలో జ‌రుగుతుంద‌ని చిత్ర బృందం చెబుతోంది. మొదటి షెడ్యూల్ శరవేగంగా పూర్తి చేసుకుంటున్న ఈ చిత్ర షూటింగ్ మార్చి 13 నుంచి రాజంపేటలోని అన్నమాచార్య కాలేజీలో జ‌ర‌గ‌నుందని ఎలైట్ టీమ్ చెబుతోంది.
