అంబాజీపేట, తూర్పుగోదావరి : వరసకు సోదరి అవుతుంది. కామంతో కళ్ళు ముసుకున్న యువకుడు ఆ యువతిపై అత్యాచారానికి పాల్పడిన సంఘటన తూర్పుగోదావరి జిల్లా అంబాజీపేటలో ఆలస్యంగా వెలుగు చూసింది.
ఈ ఘటనకు సంబంధించిన వివరాలను ఇన్‌ఛార్జి ఎస్సై పి.విజయశంకర్‌ శుక్రవారం స్థానిక విలేకరులకు వెల్లడించారు. అంబాజీపేటకు చెందిన ఓ యువతిపై ఆమె చిన్నమ్మ కొడుకయిన ఓ బాలుడు ఈ ఏడాది మార్చి 14న రాత్రి అత్యాచారానికి పాల్పడ్డాడు. ఆ యువతి కొద్దిరోజులుగా ఆనారోగ్యంతో ఉండటంతో తల్లిదండ్రులు హైదరాబాదులోని ఓ ప్రైవేటు ఆసుపత్రిలో వైద్యపరీక్షలను చేయించారు. పరీక్షల్లో ఆమె గర్భిణి అని నిర్ధారణ అయ్యింది. దీనితో బాధిత యువతి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.
