చీరాల (Chirala) : ఈనెల 19, 20, 21 తేదీల్లో అనంతపురంలోని శ్రీ నేతాజీ ఇంగ్లీష్ మీడియం హై స్కూల్ నందు 43వ సీనియర్ బాల బాలికల రాష్ట్రస్థాయి షూటింగ్ బాల్ (Shooting Ball) పోటీలు నిర్వహించారు. రాష్ట్రవ్యాప్తంగా 15 జిల్లాల నుండి క్రీడాకారులు పాల్గొనగా విశాఖపట్నంపై బాపట్ల జిల్లా జట్టు 3-0 తేడాతో విజయం సాధించి 3వ స్థానంలో నిలిచారు. ఈ సందర్భంగా స్థానిక ప్రేమ హార్ట్ హాస్పటల్ నందు జరిగిన అభినందన కార్యక్రమంలో హాస్పిటల్‌ అధినేత డాక్టర్ ఇస్తర్ల బాబురావు మాట్లాడుతూ బాపట్ల జిల్లా షూటింగ్ బాల్ అసోసియేషన్ బాధ్యతలు తాను చేపట్టిన నుండి 5వ సారి విజయం సాధించడం తనకు ఎంతో గర్వంగా ఉందని అన్నారు. గెలుపొందిన విద్యార్థులను అభినందించారు. విద్యార్ధుల విజయానికి శిక్షణ ఇచ్చిన కోచ్‌లు తుమ్మ శ్రీనివాసరెడ్డి, తుమ్మ బుచ్చిరెడ్డి, షూటింగ్ బాల్ అసోసియేషన్ బాపట్ల జిల్లా ప్రధాన కార్యదర్శి పిల్లి సురేంద్రను అభినందించారు. ఆటలు శారీరిక, మానసిక ఉల్లాసానికి ఎంతో అవసరమని అన్నారు. క్రీడాకారులకు ఎప్పుడు తన వంతు సహాయం అందజేస్తానని తెలిపారు. గెలుపొందిన అనిల్, శివ, వినయ్, కార్తీక్, ఆనంద్, రామ్ చైతన్య అనిల్ కుమార్, రాజశేఖర్, శ్రీరామ్, రామ్ చరణ్, మురళి, చార్లెస్‌ను అభినందించారు.
