చీరాల (Chirala) : మండలంలోని ఈపురుపాలెం ఎస్‌కె బ్రహ్మనాయుడు ఐటిఐ (ITI College)కళాశాల నందు ఐటిఐ కోర్స్ పూర్తిచేసిన విద్యార్థులకు సర్టిఫికేట్ కాన్వకేషన్ శనివారం కళాశాల ప్రాంగణంలో నిర్వహించారు. ఈ సందర్భంగా శ్రీ కామాక్షి కేర్ హాస్పిటల్ ఎండి డాక్టర్ తాడివలస దేవరాజు, (Sri Kamakshi Care Hospital),చీరాల మాజీ ఎంపిపి నాదెండ్ల కోటేశ్వరరావు హాజరై మాట్లాడారు. నైపుణ్యాన్ని పెంపొందించుకుంటే భవిష్యత్తు అద్భుతంగా తీర్చిదిద్దుకోవచ్చని చెప్పారు. వ్యక్తిత్వ వికాసానికి కావలసిన సూచనలు, సలహాలు అందజేశారు. పలువురు పారిశ్రామికవేత్తలు సాధించిన విజయాలను స్ఫూర్తిదాయకంగా తీసుకోవాలని సూచించారు. అనంతరం ఉత్తీర్ణులైన విద్యార్థులకు సర్టిఫికెట్లను అందజేశారు. పరీక్షకు హాజరైన 60 మంది విద్యార్థులు ఉత్తీర్ణులయ్యారని తెలిపారు. కార్యక్రమంలో ఎడ్యుకేషనల్ సొసైటీ అధ్యక్షులు సత్తార్, కళాశాల ప్రిన్సిపల్ ఎస్‌ఎ సత్తార్, అధ్యాపకులు కెవి శేషయ్య, శైలజ, జ్యోతి, జిలాని పాల్గొన్నారు.
