పంగులూరు (Panguluru) : విజయవాడలోని వరద బాధితులకు మండల ఆర్యవైశ్య సంఘ సభ్యులు చీరలు, దుప్పట్లు, లుంగీలు ఆదివారం పంపిణీ చేశారు. ఈ సందర్భంగా ఆర్యవైశ్య సంఘం సెక్రెటరీ సోము నాగేశ్వరరావు పంగులూరులో మాట్లాడారు. విజయవాడ వరద బాధితులకు అండగా మండలంలోని ఆర్యవైశ్యులంతా ముందుకు వచ్చి ఆర్థిక సహకారం అందించారని కోరారు. దీంతో 250దుప్పట్లు, 250చీరలు, 250లుంగీలు, వివిధ రకాల పచ్చళ్ళు కొని బాధితులకు అందించామని చెప్పారు. విజయవాడ నగరంలోని హౌసింగ్ బోర్డ్ కాలనీ, సత్యనారాయణపురం ఆర్యవైశ్య కన్యకా పరమేశ్వరి కళ్యాణ మండపంలో పంపిణీ చేసినట్లు తెలిపారు. కార్యక్రమంలో ఆర్యవైశ్య సంఘం మండల అధ్యక్షుడు కనమర్లపూడి శివశేషరావు, సెక్రెటరీ సోము నాగేశ్వరరావు, కోశాధికారి సామా సురేష్ బాబు, మాజీ ప్రెసిడెంట్ మద్ది సుబ్రహ్మణ్యం, కోరిశపాడు మండల అధ్యక్షులు దేసు పుల్లారావు, ఆర్యవైశ్య సంఘం జిల్లా సెక్రటరీ మద్దాల సంజీవరావు పాల్గొన్నారు.
