చీరాల (Chirala) : ముంతావారి సెంటర్లోని శ్రీనివాస అకాడమీ కాన్ఫరెన్స్ హాల్లో కాంగ్రెస్ (Congress) ఆధ్వర్యంలో విలేకరుల సమావేశం నిర్వహించారు. సమావేశంలో కాంగ్రెస్ సీనియర్ నాయకుడు నీలం శామ్యూల్ మోజెస్ మాట్లాడారు. వైసిపీ నిన్న “సిద్ధం” సభలో సిఎం వైఎస్ జగన్ (CMYSJAGAN) కాంగ్రెస్ పార్టీపై కొన్ని వ్యాఖ్యలు చేశారని, ఆంధ్ర ప్రజలకు అన్యాయం చేసిన వారు, నోట కంటే తక్కువ ఓట్లు వచ్చినవాళ్లు, సైన్యం లేని సైన్యాధిపతులని విమర్శించినారని అన్నారు. ఆయన వ్యాఖ్యలను చీరాల కాంగ్రెస్ తీవ్రంగా ఖండించిందని అన్నారు. రాష్ట్ర విభజనలు అనేక రాష్ట్రాల్లో జరిగినాయని అన్నారు. సామాజిక, రాజకీయ, ఆర్థిక, భౌగోళిక పరిస్థితులను బట్టి జరిగినవే తప్ప ప్రత్యేకంగా అన్యాయం చేయాలని ఏ పార్టీ కోరుకోదని అన్నారు. దాని వలన కాంగ్రెస్ తీవ్రంగా నష్టపోయిందని అన్నారు. కాంగ్రెస్ కి సాంప్రదాయకంగా వస్తున్న దళిత, క్రైస్తవ, మైనార్టీ, బిసి ఓట్లు కోలిపోయిందని అన్నారు. అది మీకు బదిలీ అయిందని గుర్తు చేశారు. మీరు ఐదు సంవత్సరాల్లో చేసిన నిర్వాకం వలన, మరల కాంగ్రెస్ వైపు అ వర్గాలు ఎదురు చూస్తున్నాయని అన్నారు. మీ జ్ఞాపకం చేస్తున్నా, రాజశేఖర్ రెడ్డి (Dr.YSR) కాంగ్రెస్ ప్రాపర్టీ, మీరు రాజశేఖర్ రెడ్డి పేరు, కాంగ్రెస్ పేరు మీ పార్టీకి ఎందుకు పెట్టుకున్నారని ప్రశ్నించారు. మీరు ఈ రాష్ట్ర ప్రజలను మోసం చేస్తున్నారని సిఎంపై ఆరోపణలు చేశారు. స్పెషల్ కేటగిరి స్టేటస్ తుంగలో తొక్కారని, సిపిఎస్ రద్దు చేస్తానన్న హామీ ప్రకారం రద్దు చేశారా? అని ప్రశ్నించారు. 2019లో పూర్తి మధ్య నిషేధం చేస్తానని ఎన్నికల ప్రచారంలో చెప్పి, రద్దు చేస్తేనే 2024 ఎన్నికల్లో పాల్గొంటానని చెప్పినారు కదా… చేశారా? అని అన్నారు. ప్రతి జనవరిలో జాబ్ క్యాలెండర్ విడుదల చేస్తానన్నారు. చేశారా? ఇది నిరుద్యోగ యువతను మోసం చేసినట్లు కాదా? దళిత, బడుగు, బలహీన వర్గాలకి పేదలకి 200 యూనిట్లు ఫ్రీగా విద్యుత్ ఇస్తానన్నారు కదా కరెంటు ఇచ్చారా? మణిపూర్ లో మారణకాండ జరిగితే దానిపై ఎటువంటి చర్యలు తీసుకొని ప్రభుత్వానికి మీరు మద్దతు ఇచ్చారు, ఇవన్నీ కూడా ప్రజలకి చెప్పి చైతన్య వంతులు చేసి కాంగ్రెస్ పార్టీని బలోపేతం చేసి ప్రజల పక్షాన పోరాడుతామని ఉద్ఘాటించినారు. కార్యక్రమంలో అలిమ్ బాబు పిసిసి జనరల్ సెక్రటరీ, కర్రెద్దుల సురేష్, జిల్లా అధికార ప్రతినిధి, మంకెన మణి బాబు, ఎస్సీ సెల్ జనరల్ సెక్రెటరీ, ఎర్రాకుల శ్రీనివాస్ యాదవ్, చీరాల మండల కాంగ్రెస్ అధ్యక్షులు దేవరకొండ శ్రీను, ఎస్టీ సెల్ చీరాల, దామర్ల శ్రీనివాసరావు బీసీ నాయకులు సమావేశంలో పాల్గొన్నారు.
