యంగ్ రెబల్ స్టార్ ప్రభాస్ తన 20వ సినిమా టైటిల్, ఫస్ట్‌లుక్‌ను ఈ నెల పదో తేదీన విడుదల చేయనున్నారు. `సాహో` తర్వాత ప్రభాస్ `జిల్` ఫేమ్ రాధాకృష్ణ దర్శకత్వంలో నటిస్తున్నారు. లాక్ డౌన్ కారణంగా ప్రస్తుతం ఈ చిత్రం షూటింగ్ నిలిచిపోయింది. అయితే అభిమానుల కోసం చిత్రయూనిట్ ఈ చిత్రానికి సంబంధించిన టైటిల్‌ను ఎనౌన్స్ చేయనుంది. కాగా ఈ చిత్రం పీరియాడిక‌ల్ డ్రామాగా తెర‌కెక్కుతోంది. ఈ సినిమాలో పూజా హెగ్డే హీరోయిన్‌గా నటిస్తున్నారు. యూవీ క్రియేషన్స్, గోపీకృష్ణ మూవీస్ సంయుక్తంగా నిర్మిస్తున్నారు. తెలుగు, తమిళ, మలయాళ, హిందీ భాషల్లో ఈ సినిమాను విడుదల చేయాలని చిత్ర నిర్మాతలు సన్నాహాలు చేస్తున్నారు. ఈ సినిమాకు `రాధేశ్యామ్` అనే టైటిల్ ఫిక్స్ చేస్తున్నట్లు ప్రచారం జరుగుతోంది. మరి ఈ టైటిల్ నిజామేనా?..కాదా?.. అనేది తెలుసుకోవాలనుకుంటే శుక్రవారందాగా ఆగాల్సిందే.
