కారంచేడు : తెలుగుదేశం సీనియర్ నాయకులు, పర్చూరు ఎఎంసి మాజీ చైర్మన్ యార్లగడ్డ అక్కయ్య చౌదరి చిత్రపటానికి పర్చూరు శాసన సభ్యులు ఏలూరి సాంబశివరావు సోమవారం నివాళులర్పించారు. యార్లగడ్డ అక్కయ్య చౌదరి ఇటీవల మృతి చెందిన సంగతి తెలిసిందే. అప్పుడు విదేశాల్లో ఉన్న ఏలూరి స్వదేశానికి వచ్చిన అనంతరం సోమవారం అసెంబ్లీ సమావేశాలకు హాజరయ్యారు. సమావేశం అనంతరం కారంచేడు వచ్చి అక్కయ్య చౌదరి స్వగృహానికి చేరుకున్నారు. అక్కయ్య కుటుంబాన్ని పరామర్శించారు. అక్కయ్య చౌదరి చిత్రపటానికి పూలమాల వేసి ఘనంగా నివాళులర్పించారు. అక్కయ్య చౌదరి మృతి కుటుంబానికే కాకుండా తెలుగుదేశంకు తీరని లోటని ఆయన చెప్పారు. అక్కయ్య చౌదరి కుటుంబానికి పార్టీ అండగా ఉంటుందని తెలిపారు. కార్యక్రమంలో బాపట్ల అర్బన్ డెవలప్మెంట్ చైర్మన్ సలగల రాజశేఖర బాబు, టిడిపి మండల అధ్యక్షులు తిరుమల శెట్టి శ్రీహరి పాల్గొన్నారు.
