ఇంకొల్లు (Inkollu) : పెదకాకానిలోని శంకర్ కంటి (Sankar Eye Hospital) ఆసుపత్రిలో శనివారం ఎమ్మెల్యే ఏలూరి సాంబశివరావుతో (MLA Yeluri Sambashivarao) కంచి కామకోటి (KanchiKamaKoti) పీఠ జగద్గురువు శ్రీశ్రీశ్రీ శంకర విజయేంద్ర సరస్వతి స్వామి కొద్దిసేపు ముచ్చటించారు. ఈ సందర్భంగా స్వామీజీ ఎమ్మెల్యే ఏలూరిని ఆశీర్వదించారు. శంకర కంటి ఆసుపత్రి సౌజన్యంతో ఏలూరి చారిటబుల్ ట్రస్ట్, నోవా అగ్రి గ్రూప్, గ్రీన్ స్పార్క్ ఫౌండేషన్ సహకారంతో నెల నెలా నిర్వహిస్తున్న కంటి వైద్య శిబిరాల కార్యక్రమాన్ని స్వామీజీకి వివరించారు. ఇప్పటి వరకు వేల మంది లబ్ధిపొందారని తెలిపారు. లక్షమందికి కంటిచూపు అందించడం ట్రస్ట్ ప్రధాన లక్ష్యమని తెలిపారు. స్వామీజీ సేవా కార్యక్రమాలపై సంతోషం వ్యక్తం చేశారు. ఇలాంటి సేవలు మరింత విస్తరించాలని ఆశీర్వదించారు. కంటి ఆరోగ్యంపై ప్రజల్లో అవగాహన పెంచే దిశగా ట్రస్ట్ తీసుకుంటున్న చర్యలు అభినందనీయమని అన్నారు.
